23-mavzu: Pulning davriy qiymati va pul oqimlarining diskontli tahlili Reja

Turli davrlar va foiz stavkasi uchun 1 dollarning
keltirilgan qiymati

Davrlar soni, n	Foiz stavkasi, i
	2%	4%	6%	8%	10%
1	0,9804	0,9615	0,9431	0,9259	0,9091
2	0,9612	0,9246	0,8830	0,8573	0,8264
3	0,9423	0,8890	0,8396	0,7936	0,7513
4	0,9238	0,8548	0,7921	0,7350	0,6830
5	0,9057	0,8219	0,7473	0,6806	0,6209

Sof joriy qiymat (NPV) – bu barcha bo‘lajak pul tushumlarining keltirilgan qiymati bilan barcha joriy va bo‘lajak xarajatlarning kyeltirilgan qiymati o‘rtasidagi farq. Agar loyihaning NPV ijobiy bo‘lsa, loyihaga investitsiya kiritish zarur. Agar NPV salbiy bo‘lsa, loyihani investitsiyalash qatnashmagan ma’qul.
NPV qoidasi: Agar loyiha amalga oshirilgandan keyingi bo‘lajak pul tushumlarining keltirilgan qiymati Sizning dastlabki investitsiyangizdan ko‘p bo‘lsagina loyihada ishtirok eting.
Sizda 10000 $ ga yer bo‘lagi sotib olish imkoniyati bor. Siz besh yildan keyin shu yer 20 000 dollar turishiga aminsiz. Agar Siz pullaringizni bankka qo‘yib, yiliga 8% olishingiz mumkin bo‘lsa, u holda pullaringizni yerga investitsiya qilish to‘g‘ri bo‘ladimi? Oldin ko‘rilgan qoidani eslaymiz: “Agar sof joriy qiymat NPV ijobiy bo‘lsa, loyihaga pul tiking. Agar NPV salbiy bo‘lsa, mablag‘ tikmang”.

n	i	PV	FV
Natija
5	8	?	20000	PV = 13 612

Bir necha pul oqimlarining bo‘lajak qiymati
Tahlilni bo‘lajak qiymat konsepsiyasiga tayangan holda omonatlar to‘g‘risidagi misolni tahlil qilishdan boshlaymiz. Xullas, har yili bankdagi hisob raqamingizga 1000 dollar qo‘yasiz, unga yiliga 10% foyda yoziladi. Agar ikki yil ichida bir sent ham olmasangiz, muddat oxirida qancha pulga ega bo‘lasiz?
Boshlang‘ich 1000 dollar birinchi yil oxiriga 1100 dollarga o‘sadi. Keyin Siz yana bir marta 1000 dollar qo‘shasiz va ikkinchi yil boshida hisobingizda 2100 dollar bo‘ladi. Ikkinchi yil so‘ngida hisobingizda 1,1 x 2100 dollar yoki 2310 dollar bo‘ladi.