3-7 I. Bob. Boshlangʻich sinfda bolalarni savodga oʻrgatishning ilmiy-metodologik asoslari

II.BOB.SAVOD OʻRGATISHNING ASOSIY DAVRIDA OʻQUVCHILARNI MUSTAQIL ISHLASHGA OʻRGATISH.
2.1. Mustaqil ish turlari.
Mustaqil taʻlim – muayyan fan dan oʻquv dasturida belgilangan hamda o„quvchi tomonidan oʻzlashtirishi lozim boʻlgan bilim, konikma va malaka shakllantirishni, oʻzlashtirish darajasini amalga oshiriladigan ta`lim shakllaridan boʻlib, oʻqituvchi maslahati va tavsiyalari, bilimlar taqsimotiga tayyorgarligi asosida sinfdan tashqarida bajariladi.
Oʻquvchilarda mustaqil taʻlimning tashkil etish vazifalari quyidagilardan iborat:
1) yangi bilimlarni mustaqil tarzda puxta oʻzlashtirish koʻnikmalariga ega boʻlish;
2) kerakli maʻlumotlarni izlab topish, oʻrganishning qulay usullari va vositalarini aniqlash;
3) axborot manbalari va manzillaridan samarali foydlanish;
4) oʻquv va ilmiy adabiyotlar, meʻyoriy hujjatlar bilan ishlash;
5) elektron oʻquv adabiyotlar va maʻlumotlar banki bilan ishlash;
6) internet tarmogʻidan maqsadli foydalanish;
7) berilgan topshiriqlarning ratsional yechimini belgilash;
8) maʻlumotlar bazasini tahlil etish;
9) topshiriqlarni bajarishda tizimli va ijodiy yondoshish;
10) oʻquv xonalarida mustaqil holda ilmiy axborotlarni ola bilish;
Amaliy mashgʻulotlarda mustaqil bajarish uchun berilgan amaliy topshiriq va mustaqil ishlarni mashgʻul oʻqituvchi va guruh oʻquvchilari oʻrtasida himoya qila bilish hisoblanadi. Mustaqil taʻlimni tashkil etishda oʻquvchilarning aqliy rivojlanishiga zamin tayyorlab, bu jarayonda tanqidiy va ijodiy fikr yuritishni shakllantirish ustuvor yonalish sanaladi.Mustaqil ish mashqning faol turi boʻlib, uni bajarish jarayonida oʻquvchilar fikrlashga va mustaqil faoliyat yuritishga oʻrganadilar. Bir vaqtning oʻzida ikki yoki uch sinf bilan ishlanadigan oz komplektli maktablarda mustaqil ish, ayniqsa, juda zarur hamda katta ahamiyatga ega.

Oʻqish darslarida mustaqil ishni bajarishga bolalar taxminiy tayyorlanadi, albatta. Oʻquvchilarni mustaqil ishga tayyorlashda topshiriqning maqsadi ularga qisqa va aniq tushuntiriladi. Mustaqil ish uchun tanlangan matnning hajmi kichik va oʻquvchilar saviyasiga mos boʻlishi lozim. Mustaqil ish turlari har xil boʻlib, uni tanlashda oʻquvchilarning tayyorgarligi, oʻqiladigan matnning xarakteri, asarni oʻrganish bosqichi hisobga olinadi.

Boshlangʻich sinflarning oʻqish darslarida mustaqil ishning quyidagi turlaridan foydalaniladi: