Metall kesuvchi dastgohlar bir necha belgilar bo'yicha tasniflanadi:
1. Texnologik belgi (vazifasi)- ishlanayotgan yuzalarning xarakteri, ishlov berish sxemasi va shu kabi xususiyatlari bo'yicha dastgohlar ENIIMC (Moskva) institutining taklifiga binoan o‘nlik tizimiga asosan 9 ta guruhga va har guruh 9 ta tipga bo'lingan. Dastgohlar guruhlarga ishlov berish texnologik usulining umumiyligi bo'yicha birlashtirilgan: tokarlik, parmalash, abraziv yordamida ishlov berish, elektr fizikaviy va elektr kimyoviy ishlov berish, tish va rezbalarga ishlov berish, frezalash, randalash, o'yish va sidirish, kesib ajratish va har xil dastgohlar guruhlari.
Dastgohlarning barcha guruhlari va tiplari dastgohlarning klassifikatori deb ataluvchi jadvalda keltiriladi.
2. UniversalIik va ixtisoslashtirilganlik darajasi bo'yicha dastgohlar quyidagicha bo'linadi:
2. UniversalIik va ixtisoslashtirilganlik darajasi bo'yicha dastgohlar quyidagicha bo'linadi:
2.1. Universal dastgohlar - ko'p nomdagi zagotovkalar ustida har xil ishlar bajariladi. Tokarlik-vintqirqar, tashqi doiraviy jilvirlash dastgohlari universal dastgohlar hisoblanadi.
O’lchamlari va shakllari juda keng oraliq (diapazon)da bo'lgan detallarni tayyorlash uchun mo'ljallangan dastgohlar keng universal dastgohlar deb ataladi. 16K20 modelli tokarlik va 6T80Sh modelli frezalash dastgohlari ana shunday dastgohlar jumlasidandir.
2.2. Ixtisoslashtirilgan dastgohlar - bir xil nomdagi yoki o'xshash shaklli, ammo har xil o'lchamli detallar (masalan, pog‘onali vallar, tirsakli vallar, podshipniklarning halqalari, muftalar)ga ishlov berish uchun mo‘ljallangan. Bunday dastgohlardan odatda seriyali ishlab chiqarishda foydalaniladi.
2.2. Ixtisoslashtirilgan dastgohlar - bir xil nomdagi yoki o'xshash shaklli, ammo har xil o'lchamli detallar (masalan, pog‘onali vallar, tirsakli vallar, podshipniklarning halqalari, muftalar)ga ishlov berish uchun mo‘ljallangan. Bunday dastgohlardan odatda seriyali ishlab chiqarishda foydalaniladi.
