3000 ta buxgalteriya O‘tkazmasi hisobvaraqlar rejasi bo‘yicha bog‘lanishlar* Muqaddima I bob. Buxgalteriya hisobi hisobvaraqlar rejasining umumiy tavsifi

Budjetga bo‘nak to‘lovlarini hisobga
oluvchi schotlarning (4400) bog‘lanishi

Budjetga bo‘nak to‘lovlarini hisobga oluvchi schotlar korxonalar tomonidan soliqlar va yig‘imlar bo‘yicha to‘langan bo‘naklar to‘g‘risidagi axborotni umumlashtirish uchun mo‘ljallangan. Korxonalar soliqlar va yig‘imlarning turlari bo‘yicha bo‘nak to‘lovlarini hisobga olish uchun quyidagi alohida schotlarni ochishlari mumkin:

4410 "Foyda solig‘i bo‘yicha bo‘nak to‘lovlari";
4411 "Obodonlashtirish va ijtimoiy infratuzilmani rivojlantirish uchun soliq bo‘yicha bo‘nak to‘lovlari";
4412 "Mulk solig‘i bo‘yicha bo‘nak to‘lovlari";
4413 "Qo‘shilgan qiymat solig‘i bo‘yicha bo‘nak to‘lovlari" va boshqalar.
Mazkur schotlarning debetida pul mablag‘larini hisobga oluvchi schotlar krediti bilan bog‘langan holda, bo‘nak tariqasida to‘langan soliqlar summasi, jumladan xarid qilingan tovar-moddiy zaxiralar bo‘yicha hisob-kitob hujjatlarida ajratilgan qo‘shilgan qiymat solig‘i summasi hisobga olinadi.
Kredit bo‘yicha 6410 "Budjetga to‘lovlar bo‘yicha qarz (turlari bo‘yicha)" schoti bilan bog‘langan holda soliqlar summasining hisobdan chiqarilishi aks ettiriladi.

T/r	Xo‘jalik operatsiyasining mazmuni	Bog‘lanuvchi schotlar			Yozuvlarni tasdiqlovchi hujjatlar
		debet	kredit
1	Foyda solig‘i bo‘yicha bo‘naklar o‘tkazilgan	4410	5110	Buxgalteriya hisob-kitoblari, bank schotlaridan ko‘chirmalar
2	Obodonlashtirish va ijtimoiy infratuzilmani rivojlantirish uchun soliq bo‘yicha bo‘nak to‘lovlari o‘tkazilgan	4411	5110	Buxgalteriya hisob-kitoblari, bank schotlaridan ko‘chirmalar
3	Mulk solig‘i bo‘yicha bo‘naklar o‘tkazilgan	4412	5110	Buxgalteriya hisob-kitoblari, bank schotlaridan ko‘chirmalar
4	Xarid qilingan moddiy resurslar, tovarlar, ishlar va xizmatlar bo‘yicha QQS summasi aks ettirilgan	4413	6010, 6990	Hisobvaraq-fakturalar, yukxatlar
5	Xarid qilingan moddiy resurslar, tovarlar, ishlar va xizmatlar bo‘yicha QQS summasi o‘zaro hisoblashish deb qabul qilingan	6410	4410	Buxgalteriya hisob-kitoblari, QQS hisob-kitobi
6	Budjetga bo‘nak to‘lovlari bo‘yicha umidsiz debitorlik qarzi dargumon qarzlar bo‘yicha rezerv hisobiga hisobdan chiqarilgan	4910	4410	Solishtirma dalolatnoma, Xo‘jalik sudining qarori
7	Budjetga bo‘nak to‘lovlari bo‘yicha umidsiz debitorlik qarzi zararga hisobdan chiqarilgan	9430	4410	Solishtirma dalolatnoma, Xo‘jalik sudining qarori