36 – mavzu: Dunyo mamlakatlarida demografik siyosat Reja: Demografik siyosatning mazmuni va uni o‘tkazish uslublari
Yüklə 406,68 Kb. Pdf görüntüsü
|
|
Iqtisodiy chora-tadbirlar. Demografik siyosatning ushbu guruh choralari
juda xilma-xildir. Ularda farzandli oilalarga nafaqa ajratishdan tashqari, farzandlari bor yoki farzand ko‘rgan oilalarga (ota-onalarga) turli imtiyozlar berishni nazarda tutadi. Shu o‘rinda oilalarga ajratilgan nafaqa uchun sarflanadigan mablag'larga nisbatan, farzandli oilalardagi moddiy diskriminatsiyani bartaraf etishga qaratilgan, ijtimoiy siyosat sohasiga tegishli imtiyozlarni berishga ko‘proq mablag 1 sarflanadi. Shu usul bilan investitsiyalar ustidan maksimal davlat nazorati o‘rnatiladi. Tug‘ilishni iqtisodiy rag‘batlantirishning turli mamlakatlardagi tajribasi asosida eng keng tarqalgan yo‘nalishlar quyidagilardir: 1. Farzandli oilalarga beriladigan nafaqalar. • oyma-oy beriladigan nafaqa yoki oiladagi farzandlaming soni, tug‘ilish ketma-ketligi va oilaning umumiy daromadiga qarab belgilanadigan nafaqa; • farzand tug'ilishi munosabati bilan bir martalik beriladigan nafaqa; • homiladorlik va tug‘mqda qisman yoki to‘liq haq to‘lanadigan ta’til; • homilador ayollar, tuqqan ayollar hamda yangi tug'ilgan chaqaloqlar salomatligini tiklashga qaratilgan chora-tadbirlar. 2. Ishiovchi ota-onalar uchun beriladigan soliq imtiyozlari hamda ularga uy-joy uchun ajratiladigan kreditlar va subsidiyalar. Oyma-oy to‘lanadigan yoki oilaga belgilanadigan nafaqalar. Ushbu nafaqa turi eng keng tarqalgan bo‘lib, mamlakatlarda nafaqaning bu turini belgilash tartibi turlicha. Masalan, Avstriya va Daniyada nafaqa barcha farzandli oilalarga oilaning daromadidan qat’iy nazar tayinlanadi, Frantsiya va Germaniyada nafaqaning miqdori oilaning daromadi va farzandlar soniga bog‘liq. Buyuk Britaniyada oiladagi farzandlar sonidan qat’iy nazar faqatgina kam daromadli oilalar nafaqa olish huquqiga ega. Italiya va boshqa bir qancha mamlakatlarda oila daromadining yuqori chegarasi belgilangan bo‘lib, shu miqdordan ortiq daromad oluvchi oilalarga nafaqa berilmaydi. Oyma-oy to‘lanadigan nafaqa miqdori oiladagi farzandlar sonining oshishi bilan ortib boradi, sababi ko‘pchilik mamlakatlarda siyosatning ushbu yo'nalishi oilada farzandlar tug'ilishi, ularni tarbiyalash va ma’lumot berish bo'yicha xarajatlarni maksimal darajada kompensatsiya qilish davlatning burchi ekanligini nazarda tutadi. Nafaqa olishning yuqori chegarasi turli mamlakatlarda turlicha bo'lib, u 16- 18 yoshgacha belgilangan. Ko'pchilik mamlakatlarda nafaqa yoshining kattalashishi bolaning ma’lumot olishi bilan bog'liq (Germaniya, Niderlandiyada 27 yoshgacha). Eng ko'p miqdordagi oilaviy nafaqalar Belgiyada belgilangan (o'rtacha oylik maoshning 70 foizigacha). Biroq, bunda ko'proq oiladagi farzandlar soni emas, oilaning moddiy ta’minlanganlik darajasi hisobga olinadi. Oilaga beriladigan nafaqalami moliyalashtirish har doim ham budjet mablag'lari hisobiga amalga oshirilmaydi. Masalan, Avstriyada oilaviy nafaqalar markazlashtirilgan holda yagona kompensatsion jamg'arma hisobidan to'lanadi. Jamg'arma mablag'lari quyidagi manbalardan shakllanadi: 1. Tadbirkorlar to'lovlari; 2. Davlat va mahalliy budjetdan ajratmalar; 3. Hududlardagi aholining soniga mutanosib ravishdagi to'lovlar. Belgiyada nafaqalar milliy ijtimoiy himoya boshqaruvi tomonidan amalga oshiriladi. Boshqaaivjamg'armalari tadbirkorlardan tushgan to'lovlar asosida shakllanadi. Italiya va Lyuksemburgda oilaviy nafaqalar ijtimoiy sug'urta jamg'armalari hisobiga moliya- lashtiriladi. O'zbekistonda voyaga yetmagan bolalari bo'lgan oilalarga oyma-oy to'lanadigan nafaqa 16 yoshgacha (umumta’lim maktab- larida, akademik litseylar va kasb-hunar kollejlarida ta’lim olayotganlarga 18 yoshgacha) bolalari bo'lgan oilalarga tayinlanadi va to'lanadi. Nafaqa ota-onalardan birining shaxsiy arizasi asosida 6 oy muddatga tayinlanadi va to'lanadi, ushbu muddat tugagach, arizachi yangi muddatga nafaqa to'lashni davom ettirish to'g'risida ariza bilan murojaat qilish huquqiga ega. Oilaga nafaqa: • bir bolali oilalar uchun — eng kam oylik ish haqining 50 foizi miqdorida: • ikki bolali oilalar uchun — 100 foizi miqdorida; • uch bolali oilalar uchun — 140 foizi miqdorida; • to'rt va undan ko'p bolali oilalar uchun — 175 foizi miqdorida belgilanadi. Agar belgilangan tartibda nafaqa belgilangan davr mobaynida eng kam oylik ish haqi miqdori o'zgarsa, nafaqa miqdori eng kam oylik ish haqi miqdori o'zgargan oydan boshlab tegishii ravishda ko'payadi. Respublikada quyidagi voyaga yetmagan bolalari bo'lgan oilalar nafaqalar olishda imtiyozli huquqqa ega: • nogiron chaqaloqli (bolali) oilalar; • ota-onaning ikkalasi ham bo'lmagan, bolalar tarbiyasi bilan esa qarindoshlari shug'ullanishadigan oilalar; • bolalarning ota-onasidan biri yoki ikkalasi ham nogiron bo'lgan oilalar: • ota-onadan biri yoki ikkalasi ham ishsiz bo'lgan, mehnat organida ish qidiruvchi sifatida hisobda turgan oilalar. O'zbekistonda oyma-oy to'lanadigan nafaqalarning to'g'ri hisoblanishini, o'z vaqtida to'lanishini nazorat qilish Moliya vazirligining nazorat-taftish Bosh boshqarmasi va uning joylardagi organlari tomonidan amalga oshiriladi. Farzand tug'ilishi munosabati bilan beriladigan bir martalik nafaqa. Nafaqaning bu turi oyma oy beriladigan nafaqalarga nisbatan kamroq tarqalgan. O'zbekistonda bola tug'ilganda beriladigan bir martalik nafaqa eng kam oylik ish haqining ikki baravari miqdorida beriladi. Ish haqiga koeffitsient qo'llaniladigan tumanlarda nafaqa ushbu koeffitsientlarni hisobga olgan holda belgilanadi. Ishlayotgan ayollarga hamda ishlab chiqarishdan ajralgan holda oliy, o'rta maxsus, kasb-hunar ta’lim muassasalarida tahsil olayotgan ayollarga bola tug'ilganda beriladigan bir martalik nafaqa tegishlicha ish yoki o'qish joyidan to'lanadi. Ishlamaydigan va o'qimaydigan ota-onalarga bola tug'ilganda beriladigan nafaqa ijtimoiy ta’minot bo'limlari tomonidan tayinlanadi va to'lanadi. Agar ayol homiladorlik bo'yicha ta’til davrida ishdan bo'shab, shu davr mobaynida homiladorlik va tug'ish bo'yicha nafaqa olgan bo'lsa. Bir martalik nafaqa umumiy asoslarda beriladi. Bola o‘lik tug'ilgan hollarda nafaqa to'Ianmaydi. Shunday qilib, bo'lg'usi farzand xususida davlatning olib boradigan siyosati ikki qismdan iborat bo'ladi. Bir tomondan homiladorlik va tug'ruqning sog'lom kechishi uchun barcha sharoitlarni yaratsa (homiladorlarni tekshirish, tug'ruqqacha va tug'ruqdan keyingi ta’til, homiladorlarning ish o'rinlarini saqlab qolish va h.k), ikkinchi tomondan, davlat qaysidir ma’noda tug'ilgan farzandlarni boqish, tarbiyalash va ularga ma’lumot berishda ishtirok etadi, aslida farzandning tug'ilishi va vaqtini uning ota-onasi belgilaydi va uni ta’minlash asosan ularning vazifasidir. Umuman olganda, bir martalik nafaqalar bilan ta’minlash tamoyili pronatalistik siyosatning boshqa chora-tadbir- larga qaraganda ancha differentsiallashgan hamda ko'p darajada ijtimoiy manzil tavsifiga ega bo'lib, oilaning daromadlari va ijtimoiy maqomiga bevosita bog'liq. Homiladorlik va tug‘ruq bo‘yicha ta’til hamda uni to‘lash tartibi. Mamlakatlar bo'yicha homiladorlik va tug'ruq uchun ta’til berish tartibi turlicha bo'lib, undagi asosiy farqlar davlat va xususiy sektorda ishlovchi ayollar orasida kuzatiladi. Ularga beriladigan ta’til davomiyligi to'lovning miqdorlari va moliyalash mablag'lari bir biridan farq qiladi. Odatda, davlat sektorida ishlovchi ayollarga uzoqroq davom etuvchi ta’til va katta o'lchamdagi kompensa- tsiyalar beriladi. Bunday hollarda ta’tilga haq to'lash yoki to'liq davlat budjeti mablag'lari hisobiga yoki kompensatsiyalashgan shaklda (ijtimoiy va tibbiy sug'urta budjeti va jamg'armalari) amalga oshiriladi. Xususiy sektorda ishlovchi ayollar esa mablag'larni turli sug'urta jamg'armalaridan oladi. Ko'pincha kompensatsiyalar miqdori xususiy sektordagi tadbirkorlar faoliyatiga bog'liq bo'ladi. Qator mamlakatlarda homiladorlik va tug'ruq bo'yicha ta’til huquqi, sug'urta badallarini to'lash va homiladorlikka qadar shu ishda qancha muddat ishlaganligiga bog'liq. Masalan, O'zbekistonda homiladorlik va tuqqandan keyingi davrlar ta’tili sifatida ayollarga tuqqaniga qadar 70 kalendar kun va tuqqanidan keyin 56 kalendar kun (tug'ish qiyin kechgan yoki ikki va undan ortiq bola tug'ilgan hollarda - 70 kalendar kun) ta’til beriladi. Bu nafaqani tayinlash va to'lash uchun belgilangan tartibda mehnatga layoqatsizlik varaqasi asos bo'ladi hamda ko'rsatilgan barcha davr uchun to'lanadi. Oliy, o'rta maxsus, kasb-hunar ta’lim muassasalarini tamomlagan va belgilangan tartibda ishga yuborilgan ayollarga ishni boshlagunga qadar homiladorlik va tug'ish bo'yicha berilgan mehnatga layoqatsizlik varaqasi asosida nafaqa ayol ishga kelishi lozim bo'lgan kundan boshlab beriladi. Ishni vaqtinchalik to'xtatish yoki ishlab chiqarishdan ajralmagan holda o'quv yurtlarida tahsil olish munosabati bilan berilgan qo'shimcha ta’til davrida homiladorlik va tug'ish bo'yicha ta’til berilgan holda, nafaqa ko'rsatilgan davr tugagandan keyin ayol chiqishi lozim bo'lgan kundan boshlab beriladi. Xodim yillik ta’tilda va bolani parvarishlash uchun ta’tilda bo'lgan vaqtda homiladorlik va tug'ish bo'yicha ta’til berilganda, nafaqa homiladorlik va tug'ish bo'yicha ta’tilning vaqtincha mehnatga layoqatsizlik varaqasida ko'rsatilgan barcha kunlari uchun beriladi. Bolani parvarishlash bo'yicha ta’til davri uchun nafaqa ta’rif stavkasidan (lavozim maoshidan) va ta’til boshlani- shidan oldingi 12 oy mobaynida olingan mukofotlarning o'rtacha oylik summasidan hisoblab chiqariladi. Bunda vaqtincha mehnatga layoqatsizlik varaqasi ochilgan kuniga bo'lgan tarif stavkasi joylarda belgilangan tuman koeffitsienti va ustamalarni hisobga olgan holda olinadi. Homiladorlik va tug'ish bo'yicha nafaqa, shu jumladan, ayrim hollarda, ya’ni mehnat shartnomasi alohida asoslarga ko'ra bekor qilingandan keyin bir oy ichida vaqtincha mehnatga layoqatsizlik yoki homiladorlik va tug'ish ta’tili boshlangan bo'lsa, nafaqa yashash joyidagi tuman (shahar) ijtimoiy ta’minot bo'limi tomonidan ish haqining 100 foizi miqdorida beriladi. Homilador ayollar va yangi tug‘ilgan chaqaloqlar sog‘hg‘>m muhofaza qilishga qaratilgan choralar. Bu guruhga kiruV ‘ chora-tadbirlar ko'proq sog'liqni saqlash va ijtimoiy profilakti tavsifda bo'lib, tug'ilishni rag'batlantirish bilan bevosita bog >q emas. Bu choralar homiladorlik bo'yicha ayollarni o'z vaqtida ro'yxatga olish va qonun tomonidan belgilangan tartib tekshiruvdan o‘tish zaruriyatini nazarda tutadi. Bunday tadbir- larning asosiy maqsadi homila va homiladorlik patologiyalarini erta aniqlash, homiladorlikning kechish monitoringini olib borish, homilador ayollarda kuzatiladigan ijtimoiy patologiyalar - narkomaniya, alkogolizm va boshqa kasalliklarni profilaktika qilishdan iborat. Ayollar homiladorlik davridagi adekvat xulqi turli shakldagi moddiy rag‘batlantirishlar, ya’ni tibbiy va ijtimoiy sug'urta, bir martalik nafaqa olish huquqi, homiladorlik va tug‘ruq ta’tiliga haq to'lash, oilaviy nafaqalar bilan bog‘liq. Yüklə 406,68 Kb. Dostları ilə paylaş:
|