1-topshiriq. Quyidagi savollarga “Aqliy hujum” metodi asosida tezkor javob bering.
Matn qanday tahlil qilinadi?
Tahrir qanday shakllarda amalga oshiriladi?
Muharrirning vazifasi nima?
Musahhih qanday ishlarni amalga oshiradi?
Mohirona tahrir qanday natijaga olib keladi?
Qandy holatda tahrirni sifatli deyish mumkin?
2-topshiriq. Berilgan matndagi tahrirga muhtoj o`rinlarni aniqlang va tagiga chizing. Matnni tahrirlab to`g`ri variantini daftarga yozing.
Bizni hammamizni ertangi kunimiz, hayot tarzimiz qiziqtiradi. Har bir inson chunki o`z hayotiga befarq bo`lolmaydi. Insonlarni ko`pchiligi bir g`oya bilan yashashadi: qorinni to`ydirish, u yog`i bir gap bo`lar... Bizning hamisha ishimiz yurishmaydi deb o`ylaymizu qo`limiz ko`p narsaga qodirligini esdan chiqaramiz. Hozirgi bozor iqtisodiyoti berayotgan imkoniyatlar bizni kuch va g`ayrat ila ishlashga da’vat qiladi. Har kim o`zi oilasi uchun harakatlanishi, oxirigacha ishni yetkazishi lozim. O`z kuchiga inson hamisha ishonishi kerak. Muhimi safsatabozlik ishni bajarilashiga xalaqit bermasligi kerak. “Tanqid” metodi asosida berilgan muhim hayotiy masalalarni tahlil qilib ko`ring.
Davomi:
3-topshiriq. Matnni o`qing va ajratib ko`rsatilgan birikmalar ishtirokida gaplar tuzing.
Bozor munosabatlariga asoslangan iqtisodiyotga o‘tish xo‘jalik yurituvchi subyetklarning moliyaviy hisobotlarni xolis tekshiruvdan o‘tkazish, ularning aniqligini ekspert qilish, shu asosda moliyaviy hisobotga xolis hisobot berish, shuningdek, mavjud xato va kamchiliklarni bartaraf etish bo‘yicha kasbiy maslahatlarni berish, hisob-kitoblarni tiklash va yuritib berish, biznes reja va soliq deklaratsiyalarini tuzib berishdan iborat maxsus “audit” deb atalmish iqtisodiy fanni vujudga kelishiga asos soldi. Ushbu faoliyat turi va maxsus iqtisodiy fan bizning mamlakatimiz hayotiga mustaqillikka erishilgandan keyin kirib kelgan bo‘lsa, bozor munosabatlari rivojlangan mamlakatlarda u juda uzoq yillardan beri mavjud va rivojlanib kelmoqda.
