5-tema: Kitapxanatanıwshılıqtıń pán sıpatındaǵı mazmunı Reje

Kitapxanashılıq jumısı — jámiyettiń málimlemege bolǵan itiyajların kitapxana-málimleme mákemesinde jıynalǵan málimleme zaxiraları járdeminde qanaalandırıw, sonday-aq, arnawlı bir aymaqtaǵı kitapxana - málimleme mákemeleri jámlemesi.
Huqıqıy mánisine boyınsha málimleme, mádeniy—bilimlendiriw, tálim iskerligin ámelge asırıw tarawı bolıp esaplanadı.


Kitapxanashılıq jumısı :
1. Kitapxana tarmaqların jaratıw hám rawajlandırıw ;
2. Fondtı qáliplestiriw hám qayta tiklew;
3.Paydalanıwshılarǵa xızmet kórsetiwdi shólkemlestiriw;
A) Maǵlıwmat bibliografiyalıq;
B) Málimleme xızmeti
4. Kitapxana— málimleme mákemeleri ushın kadrlar tayarlaw ;
5. Kitapxana— málimleme mákemeleriniń ilimiy—metodikalıq alıq támiynatınan ibarat bolǵan wazıypalardı ámelge asıradı.
Kitapxanatanıwshılıq pániniń máqseti — kitapxananıń bar ekenligi, onıń iskerligin shólkemlestiriw princplerı, kitapxanatanıwshılıqtıń teoriyalıq tiykarları haqqında bilim beriwden ibarat bolıp esaplanadı.
Kitapxanatanıwshılıq pániniń wazıypası — kitapxanashılıq jumısı teoriyasın rawajlandırıw, sociallıq,ekonomikalıq, mádeniy processlerde kitapxanalar iskerligi menen baylanıslı tárizde ámeldegi bolǵan nızamlıqlardı sociallıq hádiyse retinde analiz etiw menen birge ilimiy biliw, túsindiriw, aldınnan boljaw etiw, sistemalastırıw wazıypaların da ámelge asırıwdan ibarat.
Bunnan tısqarı kitapxanatanıwshılıq tómendegi social wazıypalardı da atqaradı :
1) Mádeniy — tárbiyalıq (pán ulıwma ózgesheliginiń ilimiy dúnyaqarasta, sociallıq sanada, insaniyat mádeniyatın rawajlandırıwdıń hárekettegi faktorı retinde kórinetuǵın boladı );
2) Islep shıǵarıwshı kúsh retindegi (kitapxanashılıq jumısı rawajlanıwınıń áhmiyetli shárti retinde paydalanıwshılarǵa kitapxana — málimleme xızmetin kórsetiw sapası hám natiyjeliligin asırıwǵa, ámeliyatǵa jańa perspektivalı ideyalardı qollawǵa, onıń rawajlanıwınaa tásir kórsetıwshi tikkeley bolmaǵan kúsh retinde kórinetuǵın boladı ).
3) Sociallıq kúsh retinde (kitapxanatanıwshılıq jámiyet turmısı hám mádeniyatına unamlı tásir kórsetiwshi sharayat jaratıp beriwde qatnasadı. Asirese jámiyettiń málimlemelasıwı ayırıqsha rol oynaydı).
Kitapxanashılıq jumısı insan iskerliginiń formalarınan biri retinde ush strukturalıq bólimnen dúzildi:
1. Miynet predmeti (kitaplar, jurnallar, málimlemeler ).
2. Miynet subekti (paydalanıwshı ).
3. Miynet dáldalshısı (kitapxana jumısshısı ).
Usı sistemada kitapxanashı iskerligi baspa ónim, málimleme hám paydalanıwshı óz-ara múnásibetlarınń shólkemlestiriwshisi retinde kórinetuǵın bolıwı, kitapxananıń ideologiyalıq, mádeniy — bilimlendiriw, ilimiy — málimleme shólkemi retindegi sociallıq roline muwapıq keledi. Solay etip, baspa ónimi, málimleme — kitapxanashı — paydalanıwshı baylanıs sisteması kitapxanatanıwshılıqtıń obektin quraydı.