5-tema: Kitapxanatanıwshılıqtıń pán sıpatındaǵı mazmunı Reje

5-tema: Kitapxanatanıwshılıqtıń pán sıpatındaǵı mazmunı
Reje:
1. Ulıwma kitapxanatanıwshılıq- kitapxanatanıwshılıqtıń bólimi.
2. Kitapxanatanıwshılıq pániniń wazıypası.
3. Kitapxanatanıwshılıq pániniń strukturası.
Tiykarǵı túsinikler-wazıypa, ulıwma kitapxanatanıwshılıq, obekt, struktura
Kitapxanatanıwshılıq pániniń tabiyatı, onıń wazıypaları hám dúzilis máselesi búgińi kúnde de globaldur. Biraq házirgi kúnde “jámiyetti málimlemelestiriw” ati berilgen global processtiń haqıyqatların esapqa alǵan halda sheshiw kerek. Eger aldin insaniyattiń ómiri hám rawajlaniwi tiykarinan materiyalliq islep shiǵariwǵa baylanisli bolsa, endi olar bárshe formalarda málimlemelerdi maksimal dárejede isletpesten múmkin emes. Kitapxana xizmeti bara bara málimleme tarawinda eń kúshli hám ahmiyetli filiallarinan birine aylanbaqta.
Bul ózgerislerdi esapqa alǵan halda, kitapxanatanıwshılıq páni de ózgerip barmaqta.
Basqa ilimiy hám oqıw pánleri sıyaqlı kitapxanatanıwshılıq páni de tariyxı, teoriyası hám ámeliyatınan ibarat bolǵan ush bólimnen dúziledi. Teoriyalıq bólim retinde úyreniletuǵın ulıwma kitapxanatanıwshılıq óz gezeginde kitapxanalar haqqındaǵı táliymat hám kitapxanashılıq jumısı haqqındaǵı táliymatlardı óz aldına hám ulıwma baylanıslıqta úyrenedi. “Kitapxana fondları hám katalogları”, “Kitapxana málimleme xızmeti: teoriyası hám ámeliyatı”, “Kitapxana — málimleme iskerligin basqarıw”, “Kitapxanalardıń innovasiyalıq iskerligi” sıyaqlı pánler ulıwma kitapxanatanıwshılıqtıń ámeliy bólimleri retinde úyreniledi. Solay eken, ulıwma kitapxanatanıwshılıq basqa kitapxanatanıwshılıq pánlerine salıstırǵanda ulıwma teoriyalıq pán bolıp esaplanadı.
Ulıwma kitapxanatanıwshılıq— kitapxanatanıwshılıqtıń bólimi retinde óz mazmunına boyınsha kitapxana—málimleme iskerliginiń shólkemlestirilgen, ulıwma teorialıq máselelerin, sonıń menen birge, kitapxanatanıwshılıqtıń obekti hám predmeti, dúzilisi, terminleri, kitapxanatanıwshılıqqa tiyisli izertlewler metodikası hám metodologiyası, kitapxana iskerliginińnızamlıqları, onıń principlerı hám jónelisleri, basqa hár qıylı pánler menen óz-ara baylanıslıqta máselelerin úyrenedi. Kitapxanatanıwshılıqqa tiyisli barlıq pánler ushın ózek túsinik — bul kitapxana bolıp tabıladı. Kitapxana—málimleme, maǵlıwmat, bilimge salıstırǵanda sociallıq itiyajlardıń individual hám ǵalabalıq tárizde arnawlı bir fond arqalı qanaatlandırılıwın támiyinlewshi arnawlı shólkem bolıp tabıladı. Huqıqıy tárepten bolsa, kitapxana fond quramındaǵı nusqalı hújjetlerdi waqıcha paydalanıw ushın fizikalıq hám yuridikalıq shaxslarǵa usınıwshı málimleme, mádeniy talim shólkemi bolıp esaplanadı.
Kitapxanatanıwshılıq hám kitapxana jumısı ózine tán tárizdegi ayırıqsha wazıypalardı atqaradı. Kitapxanatanıwshılıq pán retinde bilimler sisteması, biliw processi bolıp, sociallıq institutlardıń biri bolıp tabıladı. Kitapxanashılıq jumısı bolsa, miynettiń sociallıq bóliniw tarawı, jámiyettiń málimleme menen támiyinleniw tarawındaǵı tarmaqlardan biri bolıp esaplanadı.
Kitapxanatanıwshılıq hám kitapxana jumısı arasındaǵı tıǵız baylanıs sonnan ibarat bolıp, kitapxanatanıwshılıq kitapxanashılıq jumısın úyrense, kitapxanashılıq jumısı ilimiy bilimlerdiń ámeliyatqa eńiziliw tarawı bolıp tabıladı.