6-mavzu: diniy mutaassiblik va dindorlik reja

6-MAVZU: DINIY MUTAASSIBLIK VA DINDORLIK

REJA:

1. 
   Diniy mutaassiblikning paydo bo’lishi, mohiyati, asoslari va manbalari.
   
2. 
   Diniy ekstremizmning tarixiy ildizlari va oqimlari. Diniy fundamentalism va uning yo’nalishlari. Terrorizm tushunchasi, shakllari, sabalari va ungaqarshi kurash mexanizmlari.
   
3. 
   Hozirgi davrda diniy ekstemizm va terrorizmga qarshi kurashda xalqaro kuchlarni birlashtirishning ahamiyati.
   

Diniy mutaassiblikning paydo bo’lishi, mohiyati, asoslari va manbalari.

Diniy mutaasiblik – o‘z aqida va g‘oyalarining shak-shubhasiz to‘g‘riligiga qattiq ishonish, ularga mukkasidan berilganlikni, boshqa firqa va mazhablarga murosasiz munosabatni ifodalovchi qarashlar va xatti-harakatlar majmuidir.

Aqidaparastlik esa- muayyan sharoitda, biron-bir g‘oya yoki tamoyilga qat’iy ishonch va uni mutlaqlashtirish asosida shakllangan qoida va tartiblarni, boshqa sharoit, holat, vaziyatni hisobga olmagan holda, ko‘r-ko‘rona qo‘llashga urinish demkdir.

Xo‘sh, ekstremizm va uni keltirib chiqaradigan omillar nimalardan iborat? Ekstremizm – lotincha (extremus – o‘ta,keskin degan mazmunni beradi) jamiyatdagi ijtimoiy – siyosiy xarakterdagi muammolarni hal etishda o‘ta keskin chora-tadbirlar, fikr va qarashlarni yoqlovchi nazariya va amaliyotdir.

Ekstremizm mazmuniga ko‘ra – diniy va dunyoviy bo‘lishi yoki namoyon bo‘lishiga ko‘ra – hududiy, mintaqaviy, halqaro shakllarga bo‘linadi. Ekstremistlar qarashlari juda chuqur ildizlarga ega bo‘lib, ular hech qachon chegara bilmagan yoki din, millat, biron bir mamlakat hududini tan olmagan. Dunyoviy ekstremizmning siyosiy, iqtisodiy va mafkuraviy ko‘rinishlari mavjud bo‘lsa, diniy ekstremizm barcha dinlar doirasida rivojlangan. Ular xristian dinida, katoliklar, protestantlar, provaslavlar orasida ham mavjud.