7- mavzu: Odam va uning salomatligini o‘qitishda foydalaniladigan masala va mashqlarning turlari. Organlar sistemasi va ularning anatomiyasi, fiziologiyasi, gigienasiga oid masala va mashqlar yechish. Reja

Turmush tarzining qon aylanish organlarining ishiga ta’sirini kuzatish
Yurak ishini muntazam kuzatish maqsadida har kuni quyidagi ishlarni bajaring:
Normal holatda yuragingizning urishi (puls)ni sanang va qon bosimini o’lchang.
Tinch holatda yuragingizning urishi (puls)ni sanang va qon bosimini o’lchang.
Jismoniy ish bajarish yoki jismoniy mashqlardan so’ng yuragingizning urushi(puls)ni sanang, qon bosimini o’lchang va quyidagi jadvalni to’ldiring.

Odamning turmush tarzi	Sodir bo’ladigan o’zgarishlar
	Pulьs soni	Qon bosimi	Qon tomirlardagi o’zgarishlar
Jismoniy faol
Passiv hayot

Kuzatishlaringiz asosida odamlarning turmush tarzi va salomatligi o’rtasidagi bog’lanishlarni tushuntiring
Darsdan tashqari ishlarni tashkil etishda o’quvchilarning o’z salomatligini asrash ko’nikmalarini rivojlantirish muhim ahamiyat kasb etadi. Quyida berilayotgan mashq o’quvchilar qad-qomatining shakllanishini kuzatish imkonini beradi.


Umurtqa pog’onasining normalligini aniqlash
O’z qad-qomatingizning holatini bilish maqsadida quyidagilarni hisoblang.

1. 
   Elka tomondan o’ng va chap tomoningizdagi eng chekka nuqtalarni toping va ular orasidagi masofani o’lchang.
   
2. 
   Xuddi shuningdek o’lchovni ko’krak tomondan amalga oshiring.
   
3. 
   Ko’krak tomondan aniqlangan uzunlikni elka tomonning uzunligi miqdoriga bo’ling. U_K : U_E
   
4. 
   Agar bo’linma miqdor jihatdan 1ga teng va undan katta bo’lsa, umurtqa pog’ona normal rivojlangan.
   
5. 
   Agar bo’linma miqdor jihatdan 1dan kichik bo’lsa, umurtqa pog’onaning rivoj­lanishi va qad-qomatning shakllanishida o’zgarish vujudga kelgan bo’ladi.
   
6. 
   Jismoniy tarbiya o’qituvchisi bilan maslahatlashgan holda umurtqa pog’onaning normal rivojlanishiga zamin tayyorlaydigan mashqlarni aniqlang.
   
7. 
   Olib borilgan kuzatish natijalari yuzasidan xulosa yasang va tavsiyalar ishlab chiqing.
   

TALABALARNING BILIMLARINI NAZORAT QILISH SAVOLLARI

1. 
   Odam va uning salomatligini o’qitishda masala va mashqlardan foydalanishning ahamiyatini aniqlang.
   
2. 
   Odam va uning salomatligini o’qitishda foydalaniladigan masala va mashqlarning mohiyatini aniqlang.
   
3. 
   Masala va mashqlarni yechish jarayonida o’quvchilar tomonidan qanday ko’nikmalarni egallashlarini aniqlang.