7-Amaliy mashg`ulot Google hujjatlar bilan ishlash xizmatlari

7-Amaliy mashg`ulot

Google hujjatlar bilan ishlash xizmatlari (matn, elektron jadval, taqdimotlar) va

so‘rovnomalar yaratish. (2-soat)

Reja

1. 
   Google va Microsoft vositalari va xizmatlaridan foydalangan holda o'quv jarayonini va axborot ta'lim maydonini loyihalash.
   
2. 
   Web muhitida
   
   1. 
      Google apps (Google Disk, Google Hujjatlar - matn, elektron jadval, taqdimotlar, grafik muharirlari),
      
   2. 
      Google taqvim (kalendar),
      
   3. 
      Google Hangouts (messenjer) Google+,
      
   4. 
      Google Blogger (saytlar yaratish) va
      
   5. 
      Google Scholar orqali o'quv jarayonini tashkillashtirish va boshqarish).
      
3. 
   
   
   coursera.org va khanacademy.org distant ta'lim portalarida sifatli va bepul ta'lim olish.
   

Axborot texnologiyalarining rivojlanishi foydalanuvchilar auditoriyasiga ta’sir etishini Web- texnologiyalari misolida ko’rishimiz mumkin. Masalan, Web.1 muhitida foydalanuvchilar Internetdagi ma’lumotlarni faqat o’qishi (yoki ko’chirib olishi) mumkin edi.
Web.2 muhitida esa foydalanuvchi -

• 
  o’zi forum yoki konferensiyalar tashkil etishi,
  
• 
  o’zining blogini e’lon qilishi,
  
• 
  elektron resurslarni yaratib (m-n, rasmlar) Internetda joylashtirishi,
  
• 
  muloqotdoshlari bilan birgalikda ijtimoiy tarmoqlar yaratishi mumkin.
  

Hozirgi kunda har qanday davlatning qudrati qandaydir ma’noda Internet makonida milliy Internet-resurlarining ko’lami bilan, boshqa milliy resurslarga nisbatan ko’proq bo’lishi, kezi kelsa, butun jahon tarmog’ida taniqliroq bo’lishi bilan bog’liq bo’lib qoldi.
Web.2 texnologiyalar mavjudligi tufayli elektron resurslar shunchalik ko’payib ketdiki, sifatli elektron resurslarni tez ajratib olish katta muammoga aylandi. Kerak bo’lsa, Internet – ong uchun kurash maydoniga aylandi. Ayniqsa yoshlarning endi shakllanib borayotgan ongiga Internet orqali ta’sir ko’rsatish g’arazli kuchlarga juda qo’l kelmoqda. Bizning mentalitetimizga zid bo’lgan ommaviy madaniyat yoki terrorizmga da’vatlar shular qatoridadir. Shuning uchun, bir tomondan,

foydalanuvchilarda yovuz ta’sirlarga qarshi immunitetni shakllantirish muhum bo’lsa, boshqa tomondan milliy Internet resurslarni yetarli darajada ko’paytirish zarurdir.