Power Point dasturining umumiy ko’rinishi: Sarlavhalar qatori, gorizontal menyu, uskunalar paneli, rejim tugmachalari va ishchi maydonni ya’ni slaydni o’z ichiga oladi. Oynaning ko’rinishi 8.4 – rasmda keltirilgan.
Power Point dasturining oynasining pastki chap burchagida ish rejimi va uning turlarini boshqaruvchi tugmachalar guruhi joylashgan. Dasturning bu tugmalar vazifalari 8.1- jadvalda keltirilgan.
Slayd rejim tanlanganda ekranda faqat bitta slayd tasvirlanadi. Slaydlar rejimi har bir slaydni ketma-ketlik bilan jihozlab, unda kerakli matnlarni kiritishda juda qulay.
Strukturalar
Strukturalar rejimi - har bir slayd belgi bilan ifodalanadi. Slayd belgisidan keyin tartib raqami va slayd matni ko’rinadi. Struktura rejimini ko’rgazma strukturasini o’zgartirganda, sarlavha va matnlarni qayta ishlashda qo’llash tavsiya etiladi. Matn slaydini strukturaning beshta darajasiga joylashtirish mumkin. Bu rejimda hamma slaydlarning sarlavhasini va matnini ko’rib chiqishga chalg’imasdan tekshirib chiqish mumkin.
Slaydlarni saralash rejimi hamma slaydlar ekranda kichiqlashtirilgan xolatda ko’rinadi. Bu rejim slaydlarning o’rnini almashtirish uslubini o’rnatishda va namoyish vaqtini belgilashda qo’llaniladi. Bundan tashqari bu rejimda slaydlarni o’rnini almashtirish va ularni kerakli joyga ko’chirish imkoniyati mavjud.
Belgilar
Varoq belgilari rejimi ma’ruza uchun kerak bo’lgan belgilarni tayyorlashda va ko’rib chiqishda qo’llaniladi. Taqdimot yaratayotganda har bir varoqni boshqariluvchi matnlar bilan to’ldirish mumkin.
Namoyish
Namoyish etish rejimi taqdimotning oxirgi ko’rinishini ko’rish uchun mo’ljallangan. Bu rejimda slaydlar ekranda ketma-ket chiqariladi. Namoyish etish tartibi ko’zlanayotgan maqsadga qarab o’rnatiladi.
