9 -tema. Klientlerge kórsetiletuǵın xızmetler sapası hám sapa menen qanaatlandırıwdı bahalaw usılları

 Jankúyerlik - 
klientke járdem beriw hám asıǵıslıq penen xizmet kórsetiwge 

---

 tayınlıq. Xizmet kórsetiw waqtında kóbinese ayrıqsha jaǵdaylar júz beredi yamasa 
klientler qápelimde ótinishler (mısalı, nomerge aq royal' yamasa úlkenlew korovat 
qoyıw hám t.b. ) menen shıǵadı. Bunday jaǵdaylarda kárxananıń júzege kelgen 
mashqalanıń aqılǵa say sheshimin tabıw qábiletine baha beriledi. Xızmetler, atap 
aytqanda, mıymanxana xızmetlerin kórsetiw salasındaǵı kárxanalar iskerliginiń 
ayriqshalıǵı sonnan ibarat, bul jerde mudam ayrıqsha jaǵdaylar júz bergen hám júz 
bere beredi. Sol sebepli bunday mashqalalardi sheshiw jolların aldınnan joybarlaw 
hám óz jumıs principlerin islep shıǵıw zárúr. Bunday jaǵdaylarda xızmetkerler 
sapalı islewleri, júzege kelgen máselelerge asıǵıslıq penen itibar beriwleri, 
hár bir kárxananıń qatal hám dawkes klientler menen islew principlerine ámel 
qılıwları kerek (Pareto qaǵıydasına qaray, klientlerdiń 20% mashqalalardıń 80% in 
payda etiwin shama qılıw múmkin). Mıymanxana kárxanalarında ótkerilgen 
izertlewler tartıslı jaǵdaylarda xızmet kórsetiwshi xızmetkerlerdiń kópshiligi ózin 
qorǵawǵa, mashqalanıń júzege keliwine baslawshı emesligin tastıyıqlawǵa 
háreket etiwin kórsetedi. Bul jaǵday xizmetkerler hám administraciya klientlerdiń 
talapların qanaatlandrw haqqında ǵamxorlıq qılıwdı qollap-quwatlawına
isenimi kámil emesliginen dárek beredi. Keri jaǵdayda olar konfliktti jáne de 
kúsheytiwi hám óziniń haqlıǵın tastıyıqlaw ornına bárinen burın,, mashqalanı
sheshiwge háreket etken bolar ediler. Klientlerge xizmet kórsetiw xalıq aralıq 
awqamı ótkergen izertlewler jańa klientti tartıw ǵárejetleri eski klientti saqlawdan 
bes ese qımbatlaw ekenligin kórsetdi. Texnikalıq járdem kórsetiw boyınsha 
izertlew dástúrleri institutı ótkergen basqa bir izertlew bolsa ózine kórsetilgen 
xızmetlerden narazı bolǵan klientlerdiń 91% bul kárxanaǵa basqa hesh qashan 
qaytıp kelmewinen hám olardıń hár biri óz máseleleri haqqında basqa klientlerdiń 
keminde toǵızı menen bólisetuǵınlıǵınan dárek beredi. Biraq, etken shaǵımları 
qánaatlandirilgan táǵdirde, bunday klientlerdiń 54-70% ózlerin «qapa etken» 
kárxana xızmetlerinen taǵı paydalanadı. Eger klientler júzege kelgen máseleler 
júdá tez sheshim tapqanlıǵın kórse, bul nomer 95% ǵa jetedi. 
 Isenimlilik - 
xızmetkerlerdiń ózine salıstırǵanda isenim oyata alıw qábileti. Óz-
ara isenim munasábetleri júzege keliwi ushın qarıydarlar kóbirek isenetuǵın sırtqı 
belgilerge itibar beriw júdá zárúrli bolıp tabıladı. Mıymanxana zalı, nomerleri, 
restorannıń jaqsı islengen inter'eri, bólmeler, koridorlardıń tazalıǵı, jámlesken 
xizmetkerlerdiń azada kórinisi - bulardıń barlıǵı xizmet kórsetiw sapasınıń sırtqı
kriteryaları bolıp, klientler arnawlı bir kárxanada hámme zat jayındalıǵı hám 
oǵan ıseniw múmkinligi haqqında usılarǵa qaray juwmaq shıǵaradı. 
 Operativlik 
- xızmet kórsetiwshi xızmetkerler menen baylanısta bolıwdıń 
ańsatligi. Mısal ushın, eger miyman nomerge xızmetkerdi shaqırǵan bolsa, ol bir 
neshe saat ishinde emes, bálki sanawlı minutalarda jetip keliwi kerek.