9-laboratoriya ishi: Stabilitron xarakteristikalari va parametrlarini tadqiq etish

Ishni bajarish tartibi

1. 
   Electronics Workbench dasturini ishga tushiring
   
2. 
   Stabilitron volt-amper xarakteristikasining to‘g‘ri tarmog‘ini olish uchun 9.2-rasmda ko‘rsatilgan sxemani yig‘ing.
   

9.2-rasm. Stabilitron volt-amper xarakteristikasining to‘g‘ri tarmog‘ini olish uchun sxema

3. 
   Sxemani ishga tushirish uchun Electronics Workbench dasturining o‘ng yuqori burchagidagi ishga tushirish-to‘xtatish knopkasini bosing.
   
4. 
   Ta’minlash manbasining kuchlanishini 0 dan boshlab 0,1 V qadam bilan 1,1 V gacha o‘zgartirib stabilitrondagi kuchlanish va tokni volmetr va ampermetrlarning ko‘rsatishlari bo‘yicha yozib oling. Olingan natijalarni 1-jadvalda keltiring (ampermetr mikroamperlarni ko‘rsatganda milliamperlarga ayntirib olishni unutmang).
   

9.1-jadval.

Kuchlanish Uto‘g‘ri, V	0,1	0,2	0,3	0,4	0,5	0,6	0,7	0,8	0,9	1,0	1,1
Tok Ito‘g‘ri, mA

5. 
   Olingan natijalarga asosan stabilitron volt-amper xarakteristikasining to‘g‘ri tarmog‘ini quring.
   
6. 
   Stabilitron volt-amper xarakteristikasining teskari tarmog‘ini qurish olish uchun 9.3-rasmda ko‘rsatilgan sxemalarni yig‘ing va rasmda ko‘rsatilgan sxema elementlarining parametrlarini o‘rnating.
   

9.3-rasm. Stabilitron volt-amper xarakteristikasining teskari tarmog‘ini olish uchun sxema.
7. Shift klavishasi yuosilgan holda R klavishasini bosish yo‘li bilan ta’minlash manbasining kuchlanishini 0 dan boshlab 1 V qadam bilan 12 V gacha o‘zgartirib, stabilitrondagi kuchlanish va tokni volmetr PV va ampermetr PA larning ko‘rsatishlari bo‘yicha yozib oling. Olingan natijalarni 2-jadvalda keltiring .
9.2-jadval.

Kuchlanish Uteskari, V	1	2	3	4	5	6	7	8	9	10	11	12
Tok Iteskari, mA

8. Olingan natijalarga asosan stabilitron volt-amper xarakteristikasining teskari tarmog‘ini quring.

9. Ta’minlash manbasining kuchlanishini 0 dan boshlab 1 V qadam bilan 12 V gacha o‘zgartirib, manbadagi va stabilitrondagi kuchlanishlarni PV1 va PV volmetrlarning ko‘rsatishlari bo‘yicha yozib oling. Olingan natijalarni 3-jadvalda keltiring.
9.3-jadval.

Manba kuchlanishi, E1, V	1	2	3	4	5	6	7	8	9	10	11	12
Kuchlanish Uteskari, V

10. Olingan natijalarga asosan stabilitrondagi kuchlanish va manba kuchlanishlari orasidagi bog‘lanishning grafigini quring.

12. Stabilitrondagi kuchlanish va manba kuchlanishlari orasidagi bog‘lanishning grafigini R qarshilikning qiymati 10 kOm va 100 kOm bo‘lgan hollar uchun quring. Qarshilikning o‘zgarishi stabilitronning ishlashiga qanday ta’sir ko‘rsatishiga e’tibor bering.
Bajarilgan ish bo‘yicha hisobot
Hisobotda quyidagilar keltiriladi.
1. Ishni bajarishdan maqsad.
2. Tajribalar sxemalari.
3. Olingan natijalar jadvallar va grafiklar ko‘rinishida.
4. Bajarilgan ish bo‘yicha xulosalar.