Abduramanov xamid xudaybergenovich mehnat resurslarini boshqarish

 
 
 
 
 
 
 
 
 
 
 
 
 
 
5.7-rasm
. 
Vaqtinchalik bir martalik ish bilan ta‘minlash markazining tashkiliy 
tuzilmasi
Vaqtinchalik bir martalik ish bilan ta‘minlash markazi direktori mehnatiga 
haq to‘lash shahar (tuman) Bandlikka ko‘maklashish va aholini ijtimoiy muhofaza 
qilish markazi tomonidan amalga oshiriladi.
Markazda bitta shtatdagi xodim va ichki ishlar organlarining xodimi doimiy 
ravishda ishlaydi. Markazning shtatdagi xodimlariga sarflanadigan xarajatlar Ish 
 
 
 
 
 
 
Shahar (tuman) Bandlikka 
ko‘maklashish va aholini ijtimoiy 
muhofaza qilish markazi 
Vaqtinchalik bir martalik ish 
bilan ta'minlash markazi 
Markaz dirеktori
Shahar (tuman) Bandlikka 
ko‘maklashish va aholini ijtimoiy 
muhofaza qilish markazi 
dirеktorining o‘rinbosari 
Yetakchi 
mutaxassis,
1 nafar 
Ichki ishlar 
organlari 
xodimi,
1 nafar 

---

93 
bilan ta‘minlashga ko‘maklashish davlat jamg‘armasining mablag‘lari hisobiga 
amalga oshiriladi. 
Markazda doimiy bo‘luvchi shahar (tuman) ichki ishlar bo‘limi xodimining 
mehnatiga tegishli shahar (tuman) ichki ishlar bo‘limi tomonidan haq to‘lanadi. 
Vaqtinchalik bir martalik ish bilan ta‘minlash markazining shtatdagi
xodimlari: 

fuqarolarga xususiy ish beruvchilar va yuridik shaxslarning vaqtinchalik bir 
martalik ishlarning muayyan turlarini bajarishga doir mavjud buyurtmanomalari 
to‘g‘risida ma‘lumotlar berishga; 

xususiy ish beruvchilar va yuridik shaxslarning vaqtinchalik bir martalik 
ishlarni bajarishga doir buyurtmanomalarini qabul qilish va ro‘yxatdan 
o‘tkazishga; 

vaqtinchalik bir martalik ishlarning aniq turlariga bo‘lgan ehtiyoj 
to‘g‘risida ma‘lumotlar bankini shakllantirish va muntazam ravishda yangilab 
turishga; 

vaqtinchalik bir martalik ishlarni bajarishga yollanishda, shuningdek 
yangidan tashkil etilayotgan va bo‘sh ish o‘rinlariga doimiy asosda ishga kirishda 
fuqarolarga ko‘maklashishga; 

mehnat to‘g‘risidagi qonunlar, kasb-hunarga o‘qitish va qayta o‘qitish, o‘z 
ishini yo‘lga qo‘yishni tashkil etish masalalari bo‘yicha fuqarolarga maslahat 
xizmatlari ko‘rsatishga; 

zarurat bo‘lganda aniq masalalarni hal etish uchun mehnat va aholini 
ijtimoiy muhofaza qilish organlarining boshqa mutaxassislarini jalb etishga yoki 
yuzaga kelayotgan masalalarni hal etishda yordam olish uchun fuqarolarni tegishli 
mahalliy organlarga yo‘llashga; 

fuqarolarni vaqtinchalik bir martalik ishlarni bajarishning asosiy qoidalari 
bilan tanishtirishga; 

---

94 

markaz tomonidan bo‘sh ish o‘rinlari yarmarkasi muntazam o‘tkazilishida 
bevosita ishtirok etishga; 

yuridik shaxslar fuqarolarni vaqtinchalik bir martalik ishlarga yollash 
masalalari yuzasidan Markazga murojaat qilgan hollarda qonun hujjatlarida 
belgilangan tartibda mehnat shartnomalari rasmiylashtirilishida ko‘maklashishga 
majburdirlar. 
Markazda doimiy ravishda bo‘luvchi ichki ishlar organlarining xodimi: 

vaqtinchalik bir martalik ishlarni bajarayotgan fuqarolar tomonidan jamoat 
tartibiga, pasport rejimiga rioya etilishini ta‘minlashga; 

vaqtinchalik bir martalik ish qidirayotgan fuqarolar tomonidan huquqni 
buzishlarning oldini olish yuzasidan profilaktika chora-tadbirlarini o‘tkazishga 
majburdir. 
Vaqtinchalik bir martalik ish bilan ta‘minlash markaz orqali vaqtinchalik bir 
martalik ishlarga yollanayotgan fuqarolar Markazda:

vaqtinchalik bir martalik ishlarga doir takliflar va tuman (shahar) 
korxonalaridagi mavjud bo‘sh ish o‘rinlari to‘g‘risidagi ma‘lumotlarni; 

Markaz xodimlarining mehnat va ish bilan ta‘minlash to‘g‘risida amaldagi 
qonun normalari, shuningdek ayrim ish turlari bo‘yicha xavfsiz ish usullari 
to‘g‘risidagi maslahatni; 

yuridik shaxslar fuqarolarni vaqtinchalik bir martalik ishlarga yollash 
masalalari yuzasidan Markazga murojaat qilgan hollarda mehnat shartnomalarini 
rasmiylashtirishda ko‘makni tekin olish huquqiga egadirlar. 
Fuqarolar vaqtinchalik yoki doimiy ro‘yxatdan o‘tgan bo‘lishlari, qonun 
hujjatlarida belgilangan pasport rejimiga va jamoat tartibiga rioya etishlari shart. 
Fuqarolarni vaqtinchalik bir martalik ishlarni bajarishga yollayotgan ish 
beruvchilar: 

yollangan fuqarolarga xavfsiz mehnat sharoitini yaratib berishga; 

---

95 

fuqarolar tomonidan bajarilgan ishlar uchun ish haqini og‘zaki kelishuvga 
muvofiq to‘liq hajmda va o‘z vaqtida to‘lashga; 

fuqarolar vaqtinchalik bir martalik ishni bajarayotgan vaqtida ularga zarur 
ijtimoiy-maishiy shart-sharoitlarni ta‘minlashga; 

yollangan xodim tomonidan amaldagi qonun hujjatlari talablari buzilishi va 
xodim vaqtinchalik bir martalik ishlarni bajarayotgan vaqtida u bilan yuz bergan 
baxtsiz hodisalar to‘g‘risida Markazga yoki vakolatli organlarga zudlik bilan xabar 
berishga majburdir. 
Vaqtinchalik bir martalik ish bilan ta‘minlash markazi ko‘rgazmali 
axborotlar o‘rin olgan stendlar bilan jihozlanadi, ularda vaqtinchalik bir martalik 
ishlarga oid takliflar to‘g‘risidagi ma‘lumotlar, tuman (shahar) korxonalaridagi 
mavjud bo‘sh ish o‘rinlari to‘g‘risidagi ma‘lumotlar, amaldagi mehnat va ish bilan 
ta‘minlash to‘g‘risidagi amaldagi qonun hujjatlaridan ko‘chirmalar hamda mehnat
xavfsizligi qoidalariga doir yo‘riqnomalar, boshqa zarur ma‘lumotlar 
joylashtiriladi. 
Vaqtinchalik bir martalik ish qidirayotgan fuqarolarni ijtimoiy-maishiy shart-
sharoitlar bilan ta‘minlash maqsadida Markaz ovqatlanish shoxobchasi, sanitariya 
uzellari, shuningdek o‘tiradigan joylar bilan jihozlanadi. 
Markazni barpo etish va uni joriy ta‘minlash xarajatlari Ish bilan ta‘minlashga 
ko‘maklashish davlat jamg‘armasining mablag‘lari hisobiga amalga oshiriladi. 
Vaqtinchalik bir martalik ish qidirayotgan fuqarolarga, shuningdek ish 
beruvchi xususiy shaxslarga Markaz bepul xizmat ko‘rsatadi.