Abduramanov xamid xudaybergenovich mehnat resurslarini boshqarish

 
4.6. Davlat ish bilan bandlik siyosati doirasida bandlikka ko‟maklashish 
yo‟nalishlari
Bozor iqtisodiyoti sharoitida davlat aholini ish bilan ta‘minlash, ishsizlikni 
bartaraf etish va mehnat bozorini tartibga solish bo‗yicha faol ijtimoiy-iqtisodiy 
siyosat olib boradi. Chunki, mehnat salohiyatidan foydalanish samaradorligini 

---

96 
oshirish milliy iqtisodiyotni rivojlantirish, aholi turmush darajasini oshirish va 
yuksak taraqqiy etgan mamlakatlar qatoriga qo‗shilishning muhim manbasi bo‗lib 
hisoblanadi. 
Mehnat bozoriga ta‘sir qiluvchi omillarning turli-tumanligi va uning 
samarali amal qilishi ijtimoiy jihatdan ahamiyatga ega ekanligi tufayli unda 
davlatning optimal boshqaruvi hamda tartibga solishi talab etiladi. Ish bilan 
bandlik sohasida tartibga solishning bunday tizimini yaratish O‗zbekistonda 
amalga oshirilayotgan islohotlarning asosiy ijtimoiy vazifalaridan biridir.
Davlatning faol ta‘sir ko‗rsatish siyosati hududiy mehnat bozorlari holatidan 
kelib chiqadi. Agar hududda ishchi kuchi ortiqchaligi ro‗y berib, taklif talabdan 
yuqori bo‗lsa, u holda davlat ishchi kuchi taklifini kamaytirish va unga bo‗lgan 
talabni ko‗paytirishni rag‗batlantirish siyosatini yuritadi. Aksincha, agar hududda 
ishchi kuchi tanqisligi kuzatilsa, u holda davlat ishchi kuchi taklifini ko‗paytirish 
va unga bo‗lgan talabni kamaytirish yuzasidan aniq chora-tadbirlarni belgilaydi.
Davlat ish bilan bandlik siyosati doirasida ish bilan bandlikka ko‘maklashish 
ikki yo‘nalishda, passiv va faol ish bilan bandlik siyosati ko‘rinishlarida amalga 
oshiriladi (5.8-rasm). 
5.8-rasm
.
Davlat ish bilan bandlik siyosati doirasida bandlikka ko‘maklashish 
yo‘nalishlari.
 
5.8-rasmdan ko‘rinib turibdiki, ish bilan bandlikning nofaol siyosati davlat 
ish bilan bandlik xizmati orqali ishsizlarga nafaqalar to‘lash, ishsizlarni kasblarga