Kimyəvi silah tətbiq olunmuş və ya QKTM dağılmış, həmçinin üzərində təhlükəli qatılıqda ZM, yaxud QKTM yayılmış ərazi kimyəvi zəhərlənmə zonası adlanır.
ZM və ya QKTM-in yayılması nəticəsində insanların, heyvanların və bitkilərin kütləvi zəhərlənməsi baş verən ərazi kimyəvi zədələnmə ocağı adlanır.
Kimyəvi zəhərlənmə zonası ZM-in (QKTM-in) növü, qatılığı, dayanıqlığı və zonanın ölçüləri ilə xarakterizə olunur. Kimyəvi zədələnmə ocağı isə bunlardan əlavə, ZM-in (QKTM-in) təhlükəli qatılıqda təsir müddəti və insan itkisinin miqdarı ilə xarakterizə olunur.
Kimyəvi silahın tətbiq üsulundan və QKTM-in yayılma miqyasından asılı olaraq zəhərlənmə zonasında bir və ya bir neçə kimyəvi zədələnmə ocağı yarana bilər.
KIMYƏVI ZƏDƏLƏNMƏ OCAĞI
Kimyəvi zədələnmə ocağının ölçüləri tətbiq olunmuş ZM-in (QKTM-in) növündən, ZM-in tətbiq vasitəsindən və üsulundan, meteorolojt şəraitdən, yer səthinin relyefindən, bitki örtüyündən və digər amillərdən asılıdır. Əsəb-iflic təsirli ZM-lər daha təhlükəlidir, belə ki, onların buxarları 15-25 km və daha uzaq məsafələrə yayıla bilir. Küləyin sürəti çoxaldıqca, ZM-lərin (QKTM-lərin) zədələyici təsir müddəti azalır. Açıq yerlərə nisbətən, meşələrdə, parklarda, dar küçələrdə, yarğanlarda ZM-lər (QKTM-lər) daha çox qalır.
Xəritədə (planda) kimyəvi zəhərlənmə zonasının və zədələnmə ocağının sərhədləri göy rənglə çəkilir, içərisi isə sarı rənglə rənglənir.
KİMYƏVİ SİLAHIN TƏTBİQİNDƏ ZƏHƏRLİ HAVA
BULUDUNUN TƏHLÜKƏLİ YAYILMA DƏRİNLİYİ
L – zəhərli hava buludunun təhlükəli yaılma dərinliyi; 1 – birinji buludun yayılma dərinliyi; 2- ikinji buludun yayılma dərinliyi; Av – tətbiq vasitəsi (aviasiya); 12.00.5.06 – ZM-in tətbiq saatı, tarixi (günü, ayı)
