Adabiy til va nutq madaniyati

ADABIY TIL VA NUTQ MADANIYATI


REJA:

1.Adabiy til – nutq madaniyatining asosi.

2.Nutq madaniyati va me`yor (norma).
3.Til va nutq.
4.Til madaniyati va nutq madaniyati.
5.Nutq shakllari.
Adabiy til paydo bo„lgunga qadar nutq madaniyati borasida amal qilgan talab va tasavvurlar adabiy til paydo bo„lgandan keyingi davr, ya`ni adabiy til bilan bog„liq bo„lgan nutq madaniyati tasavvurlaridan farqlanadi. Chunki nutq madaniyati chinakam ma`noda adabiy til va uning normalari bilan bog„liqdir. Adabiy til haqida gap borganda avvalo adabiy til – xalq tilining, milliy tilning oliy shakli de-yilgan ta`rifga duch kelamiz. Adabiy tilning oliy shaklligi bu tilning o„ziga xosligida, uning o„ziga belgilari va vazifalarida ko„rinadi. Adabiy til xalq tili negizida yuzaga keladi. Adabiy tilning paydo bo„lishi va uni yaratishdan maqsad umumxalq ommaviy aloqa vositasini yaratishdir. Adabiy tildan rasmiy davlat tili sifatida foydalanish bu tilning ijtimoiy-siyosiy sohalar tili, rasmiy muomala va yozishmalar tili, idoraviy ishlar va hujjatlar tili, diplomatik aloqalar tili, radio va televideniya tili, og„zaki targ„ibot va tashviqot tili, ilmiy uslublar tili, badiiy adabiyot va sahna tili, maorif, madaniyat tili kabi ko„p yo‟nalishlarda rivoj topishi uchun yo„l ochadi.
Adabiy til ijtimoiy-siyosiy va ilmiy-madaniy hayotning barcha sohalarida aloqa quroli darajasiga ko„tariladi. Bu hol adabiy tilni madaniyat va tsivilizatsiyaning vositachisiga, bunga doir tushuncha va tasavvurlarni ifodalovchi, o„zida saqlovchi va keyingi nasllarga etkazuvchi qurolga aylantiradi.
Kishilardan nutq madaniyatini , ya`ni to„g„ri so„zlash va yozishni talab qilish uchun mana shunday so„zlash va yozishga vosita bo„la oluvchi qurolni belgilash lozim bo„ladi. Bunday qurol adabiy tildir.Adabiy til nutq madaniyatining tug„ri so„zlash va yozishning o„lshovi, mezonidir.Ammo adabiy til tayyor holda qaerdandirpaydo bulgan, birdan tayer holda osmondan tushgan hodisa emas. U aslida nutq madaniyatining tarkibiy qismi, o„zi ham madaniylikka intiluvchi hodisadir. Shuning uchun ham masalan, “Praga lingvistik to‟garagi” deb yuritiluvchi ilmiy maktabning vakillari bo„lmish tilshunoslar nutq madaniyati tushunchasini til madaniyati, adabiy til madaniyati deb nomlashadi. Ular nutq madaniyati de-yilganda avvalo adabiy til madaniyatini tushunishadi: “Adabiy til madaniyati deganda biz adabiy tilni ongli ravishda qayta ishlashni tushunamiz”¹.
Adabiy til madaniyati uchta hodisa (tushuncha)ni o„z ichiga qamraydi:

1. 
   adabiy tilni ongli ishlash (normalash);
   
2. 
   adabiy tilning ishlangan, ya`ni madaniylashgan holati;
   
3. 
   madaniy adabiy til normalaridagi ba`zi holatlarni yanada qayta ishlash va takomillashtirish.
   

Nutq tuzish qoidalari quyidagi tartibda bo„ladi:

1. 
   tilning sinonimik imkoniyatlarini bilish va sinonimik qatoridan kerakli variantni ajratib nutqda qo„llash;
   
2. 
   nutqda ishlatiladigan so„zning anglatgan ma`nolarini har tomonlama bilish, noijodiy taxminiy qo„llashlardan qochish, chunki betayn so„z qo„llash nutqni beburd qiladi;
   

v) omonimlarning xususiyatlarini bilish, chunki ularni bilmaslik aniqlikning buzilishiga olib keladi.
d) paronimlarni bilish ulardagi tovush yaqinliklariga e`tibor berish.
Odatda mundarijaga mavzu tegrasidagi fikrlar, ma`lumotlar, voqealarning asar tilagiga muvofiq mohiyatini ochib bera oladigan yo‟nalishlar kiritiladi. Mundarijadagi asosiy qismlarning bir-biridan uzun, bir-biriga qarshi bo„lmasliklari, ya`ni bittasining bergan ta`siriga ikkinchisi qarshi bo„lmasligi darkor.
Tartib mundarijada yig„ilib to„lgandan keyingina “tartib”ga kirishi kerak. Tartib yolg„iz asar yozishda emas, so„zlashishda ham muhim ahamiyatga ega. So„zlar, gaplarni uyushtirib tuzilgan asarlar adabiy bo„lsa bo„lmasa ikki yo‟sindan birida tuziladi.
Bir asarda so„zlar, gaplar belgili bir ohangga bog„lanmasdan, belgilik bir o„lchov bilan o„lchanmasdan tarqalib, sochilib tuzilgan bo„lsa, bu asar “sochim” yo‟sinida tuzilgan bo„ladi. Bir asarda so„zlar, gaplar belgilik bir ohangga boylanib belgilik bir o„lchov bilan o„lchanib tuzilgan bo„lsa, u asar “tizim” yo‟sinida tuzilgan bo„ladi.
So„zlashuv uslubi – bu usul leksikasi, fonemasi, morfologiyasi va sintaksisi bilan xalqning oddiy so„zlashuv tilini o„zida aks ettiradi. So„zlashuv uslubi uchun oddiylik, soddalik, betakalluflik, hayajonlilik xosdir. So„zlashuv uslubidagi og„zaki nutqda ba`zan yozma nutqqa, shevaga, vulgarizm va boshqalarga xos va so„z shakllarining ta`siri bo„ladi.
Og„zaki nutqning quyidagi vazifaviy (funktsional) ko„rinishlari mavjud: 1.Kundalik adabiy so„zlashuv nutqi ko„rinishlari, Bunga adabiy tilda gapiruvchi shaxslarning kundalik so„zlashuv nutqini kiritish mumkin.
2.Lektorlar nutqi. Bu ko„rinishga o„rta va oliy maktab o„qituvchilarining, targ„ibotchi lektorlarning, olimlarning ma`ruzalari, chiqishlarini kiritish mumkin. Og„zaki nutqning bu xili asosan, monologik nutq xarakterida bo„ladi.
3.Radio va televideniya nutqi (tili). Bu ko„rinishga radio va televideniya orqali adabiy tilda so„zlangan nutqlar kiradi. Radio va televideniya nutqi asosini diktorlar, radio va televideniya izohlovchilari nutqi tashkil qiladi. Radio va televideniya orqali adabiy tilda olib borilgan eshittirishlar, ko„rsatuvlar, suhbatlar tili ham radio va televideniyaning o„ziga xos talablariga bo‟ysunadi va ba`zi o„ziga xos normativ tomonlariga ega.
4.Sahna nutqi. Og„zaki nutqning alohida turi sahna nutqidir. Sahna nutqida ijro etilayotgan asarning til xususiyatlarini saqlagan holda, tomoshabinlar uchun umumtushunarli bo„lgan tilda so„zlashda intilish mavjud. Sahna nutqining umumtushunarli bo„lishini ta`minlaydigan asosiy omil adabiy tilda so„zlashdir. Bunda adabiy talaffuz ayniqsa muhim o„rin tutadi. Sahna nutqi nutqning yuqorida qayd qilingan ko„rinishlaridan diologik xarakterga egaligi bilan ham farqlanadi.
Nutqiy turlarni ba`zan ijtimoiy tabaqalar va guruhlar tili nuqtai nazaridan nomlash ham uchraydi. Chunonchi: o„qituvchilar nutqi, o„quvchilar nutqi, yosh – talabalar nutqi, bola nutqi (bog„cha balalari nutqi) kabi.
Umumiy norma ma`lum tilning, masalan, o„zbek tilining barcha ko„rinishlarida qo„llanayotgan normalar sistemasining yig„indisidan iborat: 1) o„zbek adabiy tili normasi;

2. 
   o„zbek lahja va shevalari normasi (dialektal norma);
   
3. 
   o„zbek so‟zlashuv nutqi normasi;
   
4. 
   o„zbek tilining ijtimoiy tarmoqlari, ya`ni “ijtimoiy dialektlar”, “ijtimoiy argolar” normasi (jargonlar, professional nutq ko„rinishlari, argoning boshqa xillariga xos normalari)”.
   

Bizni, albatta, nutq madaniyati nuqtai nazaridan adabiy til normasi qiziqtiradi. Ana shu norma tufayli til, yukorida ta`kidlaganimizdek, umumxalq tilining yashash shakllaridan farq qiladi. Til unsurlarini normativ holatga keltirishga intilish adabiy tilning o„ziga xos xususiyati bo„lib, bu jarayon muntazam davom etib turadi. Norma va maqsadga muvofiqlik – norma kishining xulqini boshqaruvchisi, yo‟naltiruvchisidir. Bunday boshqarish juda zarur, ammo yaxshi nutq uchun bu boshqaruvning o„zi yetarli emas. Chunki norma nutqning borliqqa, zarur jamiyatga, ongga, kishilar xulqiga munosabatlariga norma aloqador emas, ularni o„z ichiga olmaydi.