Adabiyot aniq va tabiiy fanlar 1-kurs (1-semestr) 1-yarim yillik

Pir-muriding cho’poni, pir-muriding iymoni.

O’tmishda har bir ustozga-o’rgatuvchiga, ta’lim beruvchi kishiga xalqimiz ongida shakllangan hurmat va izzat, ustozni ota bilan teng qo’yish, albatta, adabiyotimizning, alalxusus tasavvufiy adabiyotimizning mahsuli samarasi deb qaralanish adolatdan bo’lur edi. Ahmad Yassaviy hikmatlarida tasavvuf tariqatida o’z maqomi va mavqeiga ega buyuk mutasavvirlardan Shayn Zunnun Misriy (vaf. 859), Boyazid Bistomiy (802-875), Abu Bakr Ja’far Shibliy (vaf. 924) kabilarning muborak nomlari zikr etiladi. Demak Yassaviy nomlari tilga olingan ulug’ mutasavvirlarni o’ziga sidqi dildan ustoz deb bilgan degan xulosaga kelsak zarracha mubolag’a bo’lmaydi.

Shoirning «Munojotnoma» masnaviysida ilm sharofati, ilmsizlik jaholati, ilm manfaati, ilmsizlik razolati muammolariga javob beriladi. «Munojotnoma»da haqiqiy ilm, chin olimlik osonlikcha qo’lga kiritilmasligi, ilmu ma’rifatga sohiblik uchun ko’p izlanish, ziyoda zahmat, ilmga amal qilish, uni tinmay elga yoyish, elni undan bahramand etish lozimligi uqtiriladi: