Savol:Navoiy ijodi va hayoti haqida bilganlarim.
Tayanch so’z va iboralar: G’iyosiddin Kichkina, Hirot, Yazd cho’li, Lutfiy, Orozin yopg’och, Abulqosim Bobur, Husayin bayqaro, Astrobot hokimi, “Badoye ul bidoya”, “Navodur un nihoya”.
Hazrati Nizomiddin Mir Alisher Navoiy ijodi turkiy adabiyotning eng yuksak cho’qqisidir. Chunki hech kim unga qadar bu tilda bunchalik ,,ko’p va xo’b” (Bobur) yozmagan edi. Aytish mumkinki, undan keyingi salkam olti yuz yil ichida ham hech kim u kabi ko’p va yaxshi yozolgani yo’q. Navoiy barcha turkiy xalqlarning eng buyuk shoiridir. U o’zini ,,Xitodin to Xuroson”gacha yoyilgan turkiy ,,qavm”larning shoiri, deb bildi. Ularni bir adabiy til bayrog’i ostida birlashtirdi — ,,yakqalam” qildi. Buyuk shoirXurosonda, uning poytaxti Hirotda yashab ijod etdi.Navoiy yashagan davrda Xuroson va Movarounnahr bir mamlakat bo’lib, bir taxt egasi ixtiyorida kelganligi va aholisining asosiy nufuzini turk xalqlari tashkil etganligi ma’lum. Zahiriddin Bobur Navoiy asarlarining tili ,,Andijon shevasi bila rost” (to’g’ri)ligini aytadi.
Dostları ilə paylaş: |
