|
Yetirmələrin öz faktiki tərbiyəçilərini saxlamaq vəzifəsi
«Yetkinlik yaşına çatmayan uşaqları faktiki tərbiyə etmiş və saxlamış əmək qabiliyyəti olmayan və yardıma ehtiyacı olan şəxslər, öz yetkinlik yaşına çatmış övladlarından və ya ərlərindən (arvadlarından) təminat ala bilmədikdə, yetkinlik yaşına çatmış öz əmək qabiliyyətli yetirmələrindən məhkəmə qaydasında aliment verilməsini tələb etmək hüququna malikdirlər.
Faktiki tərbiyəçilər öz yetirmələrini 5 ildən az müddətdə tərbiyə etdiyi və saxladığı, yaxud lazımınca tərbiyə etmədiyi və ya saxlamadığı hallarda, məhkəmə onları saxlamaq vəzifəsindən yetirmələri azad edə bilər».
Faktiki tərbiyəçilər dedikdə, qanun uşaqları tərbiyə etmək və saxlamaq vəzifəsini öz üzərinə könüllü götürən şəxslər nəzərdə tutur. Faktiki tərbiyəçilərin uşaqları saxlamaq vəzifəsi aşağıdakı iki şərtdən biri mövcud olduqda əmələ gəlir:
a) uşaqların valideynləri olmadıqda;
b) uşaqlar öz valideynlərindən maddi yardım ala bilmədikdə.
Dostları ilə paylaş: | 
