27. Dərsin başlıca xüsusiyyətləri və onun tipləri.
Dərsin xüsusiyyətləri çoxdur. Başlıcaları isə dörddür. Dərs müəyyən siniflə əlaqədar təşkil edilir. Sinif deyəndə otaq (sinif otağı) deyil, məktəbdə eyni yaşlı və sabit tərkibli şagirdlər qrupu nəzərdə tutulur. Bundan əlavə, dərs hər hansı fənnin tədris proqramı ilə əlaqədar təşkil edilir. Pedaqoji prosesin bu təşkili formasının dərs cədvəli ilə də bağlılığı vardır. Dərs cədvəlindən kənar təşkil olunan məşğələ dərs hesab edilmir. Nəhayət, dərsin müəyyən vaxt ölçüsü vardır: dərs adətən 45 dəqiqə davam edir, zənglə başlayır, zənglə qurtarır.
Sadalanan xüsusiyyətlərinə əsasən dərs məfhumunun mahiyyətini Milli pedaqogika belə açıqlayır: müvafiq sinifdə təsdiq edilmiş cədvəl üzrə müəyyən vaxt ərzində tədris proqramına uyğun təşkil edilən məşğələyə dərs deyilir.
Dostları ilə paylaş: |
