Moddaning kelishi-Moddaning sarflanishi= Moddaning to‘planishi (1.5)
Moddaning kelish va sarflanish orasidagi ayirmasi ko‘rilayotgan obьektda uning miqdori o‘zgarishiga teng. Stasionar rejimda kamayish ham, to‘planish ham bo‘lishi mumkin emas. U holda material balansning (1.5) tenglamasi quyidagi ko‘rinishli tenglamaga o‘tadi
Moddaning kelishi=Moddaning sarflanishi (1.6)
(1.5), (1.6) tenglamalar nafaqat alohida har bir moddaga, balki jarayonda qatnashayotgan moddalarning barcha majmuiga qo‘llaniladi. Issiqlik balansning umumlashgan tenglamasi quyidagi ko‘rinishga ega
Issiqlikning kelishi- Issiqlikning sarflanishi = Issiqlikning to‘planishi (1.7)
yoki stasionar sharoitlari uchun
Issiqlikning kelishi = Issiqlikning sarflanishi (1.8)
2. Oqimlarning lokal elementlari uchun elementar jarayonlar tenglamalari. Bu guruhga moda va issiqlik almashuv, kimyoviy reaksiyalar va boshqa jarayonlarning tavsiflari kiradi.
3. jarayonning turli parametrlar orasidagi nazariy, yarimempirik yoki empirik bog‘lanishlar. Masalan, bu bog‘lanishlarga fazalar oqimining tezligiga modda almashuv koeffitsientining bog‘liqligi, tarkibga aralashmaning issiqlik sig‘imining bog‘liqligi va shu kabilar kiradi.
4. Jarayonning parametrlariga chegaralanishlar. Masalan, bo‘linishning xohlagan pog‘onasida ko‘pkomponentli aralashmalarni rektifikasiya jarayonini modellashda shunday shart bajarilish kerakki, hamma komponentlarning konsentrasiyalari yig‘indisi 1 ga teng bo‘ladi. Bundan tashqari, har qaysi komponentning konsentrasiyasi 0 dan 1 gacha diapazonda bo‘lishi kerak.
Barcha matematik modellarning umumiyligi shundan iboratki, matematik tavsifga kiritilayotgan tenglamalar soni modellash natijasida aniqlanadigan o‘zgaruvchilar soniga teng bo‘lish kerak.