Analytical

ANALYTICAL JOURNAL OF EDUCATION AND DEVELOPMENT

Volume: 01 Issue: 06 | 2021 ISSN: 2181-2624

Bolalarda Stress Holatining Kelib Chiqish Xususiyatlari

Latipova Xurshida Abdullayevna NDPI Psixologiya fani o’qituvchisi
_____________________________________________________

_____________________________________________________

Bolalarda kechuvchi stress jarayoni hozirgi kunda ko'proq tadqiqotlar o'tkazishni talab qiladigan yo'nalish bo'lib qolmoqda. Garchi bolalar odatda kattalarga qaraganda kamroq stressli ekologik omillarga ega bo'lishsa-da, ular muayyan vaziyatlarda ham stressni boshdan kechirishlari mumkin va ular ba’zi holatlarda kattalardek stressga chidamli emas. Ba’zan stressning ham kelib chiqishiga ko’ra turlari mavjud bo’ladi masalan:


Jismoniy stress- bu juda sovuq yoki juda issiq bo’lgan havo va atmosfera bosimi ostida kelib chiqishi mumkin. Bolada stressning bu turi juda kam holatlarda kuzatiladi sababi inson bolalik davrida harorat o’zgarishiga moslashuvchan bo’ladi.


Ruhiy stress- salbiy yoki ijobiy bo’lgan his- tuyg’ularning natijasi bo’lishi mumkin. Bola ruhiyatida o’zgarishlarni tez- tez kuzatishimizga bo’ladi, chunki u emotsional o’zgaruvchandir. Bolalik davrida tezda kulib, xursand bo’lib tezda yig’lash holatlarining kuzatilishi tabiiydir.


Biologik stress- bu virusli kasalliklar va jarohatlar orqali kelib chiqishi mumkin. Bu kabi stresslar bolalarda ba’zan turli kasalliklar bilan bog’liq holatda kelib chiqishi mumkin.


Kimyoviy stress- bunga misol qilib barcha toksik moddalarning ta’sirini keltirishimiz mumkin.


Stress har qanday stimuldan kelib chiqishi mumkin, aynan shunday paytda odam ekologik omilni bezovta qiluvchi yoki yoqimsiz deb qabul qiladi va unga to'g'ri moslashishda muammolarga duch keladi. Stress tashqi va ichki omillar, eng avvalo, ikkala omillarning o'zaro ta'siridan kelib chiqishi mumkin. Shu tarzda, bolalikdagi stressning sabablari kattalar boshidan kechirgan stressdan unchalik farq qilmaydi, chunki u atrof-muhit talablari yoki ichki ruhiy talablarga yomon psixologik va shaxsiy moslashuv orqali kelib chiqadi.