Pulning miqdoriy nazariyasi Bu nazariyaga ko‘ra muomaladagi to'lov vositalari miqdorining o'zgarishi tovarlar narxi darajasiga bevosita va proporsional ta’sir ko‘rsatadi. Pul munosabatlari real (moddiy-buyum) jarayonlar uchun «to‘r» bo‘lib xizmat ko!rsatadi va iqtisodiy rivojlanishga hech qanday ta’sir ko'rsatmaydi. Keyinchalik pulning miqdoriy nazariyasi bozor iqtisodiyotining ichki koordinatsiyasi, uning narx dinamikasi va raqobat mexanizmi asosida o‘zini-o‘zi samarali tartibga solish qobiliyati haqidagi g‘oya tarafdori bo'lgan neoklassik konsepsiyaning muhim bir qismiga aylandi.
Bu nazariyaning ilk namoyondalari Sp.L. Monteske va D.Yum (XVIII asr o'rtalari) bu qonuniyatlami XVI—XVII asrlarda Yevropa boshidan kechirgan «narx inqilobi»dan ozod qildi. Pulning miqdoriy nazariyasi tarafdorlarining fikriga ko‘ra bunday jamg‘arish natijasida qimmatbaho metall qadrsizlanadi va tovarlar narxi o‘sadi. Millatning haqiqiy boyligi oltin va kumushning jonsiz to‘plamida emas, balki manufakturalar yaratish va ularda jonli mehnatni qo‘llashdan iborat. Miqdoriy pul nazariyasining XVIII asrdagi yorqin namoyondasi D. Rikardodir.
