Aqrar Məsləhət Xidmətlərinin Gücləndirilməsi

Hökümətin COVID-19 pandemiyasına qarşı sosial müdafiə tədbirləri¹

2020-ci ilin İyul ayının 3-də Azərbaycan Respublikası Nazirlər Kabinetinin qərarı ilə ölkədə yayılan COVID-19 pandemiyası səbəbindən xüsusi karantin rejiminin sərtləşdirilməsi ilə bağlı əlavə tədbirlərin icrası təsdiq edilmişdir. Karantin rejimi Bakı, Sumqayıt, Gəncə, Lənkəran, Yevlax, Masallı, Cəlilabad, Mingəçevir, Goranboy, Göygöl şəhərlərində və Abşeron, Bərdə, Samux, Siyəzən, Şəki, Xaçmaz rayonlarında davam edəcəyi qərarı verilmişdir. Qərara əsasən ictimai yerlərdə, o cümlədən küçələrdə, bulvarlarda, parklarda və digər yerlərdə olan şəxslərə (yaxın qohumlar, yəni valideynlər, nənə, baba, övlad və bacı istisna olmaqla) 5 nəfərdən artıq qruplarda cəmləşməsi qadağan olunmuş və iyulun 4-dən etibarən iyulun 20-də saat 00: 00-dan 06: 00-dək Bakı Metropoliteni sərnişinlər üçün bağlanmışdır.

Rəsmi məlumata görə, Azərbaycan Respublikasının Səhiyyə Nazirliyi, COVID-19 ilə mübarizəni gücləndirmək üçün 39 tibb mərkəzi təsis etmişdir. İyun ayının 29-da pandemiya zamanı vəziyyəti izləmək üçün Səhiyyə Nazirliyinin nəzdində işçi qrup fəaliyyətə başlamışdır. Qərara əsasən, işçi qrupu 39 ərazi tibb mərkəzinin və Bakı şəhər Səhiyyə İdarəsinin tabeliyində olan 87 tibb müəssisəsinin fəaliyyətinə cavabdehdir və orada yoluxmuş xəstələrin müayinə və müalicəsini həyata keçirməkdədir.²