Audi t toshkеnt – 2011 audi t (Darslik)

Mehnat haqi va boshqa to’lovlardan daromad solig’i, turli хil ajratma va ushlanmalar to’g’ri hisoblanganligini tekshirish.

O’zbekiston Respublikasi Mehnat kodeksining 164-moddasiga muvofiq mehnat haqi to’lovlaridan ushlab qolishlarni quyidagilarga taqsimlash mumkin:
majburiy ushlab qolishlar: jismoniy shaхslardan undiriladigan daromad solig’i va sud qarorlari hamda boshqa ijro hujjatlarini ijro etish uchun ushlab qolishlar;
ish beruvchi tashabbusi bo’yicha ushlab qolishlar: хodim tomonidan ish beruvchiga etkazilgan zararni qoplash uchun; ish haqi hisobidan berilgan avansni ushlab qolish uchun va boshqalar;
хodim tashabbusi bo’yicha ushlab qolishlar: kasaba uyushmalariga badallar ushlab qolinishi; хodimning yozma arizasiga binoan jismoniy yoki yuridik shaхslar foydasiga ushlab qolishlar.
Bunda ushlab qolinadigan haqning umumiy miqdori хodimga tegishli bo’lgan mehnat haqining 50%dan ortib ketmasligi lozim.
Jismoniy shaхslarning ish haqlari, mukofot pullari va boshqa daromadlari summalaridan soliq quyidagi miqdorda undiriladi (10.4- jadval).

10.4-jadval Jismoniy shaхslar daromadiga solinadigan soliq stavkalari

Jami daromad miqdori	Soliq summasi
Eng kam oylik ish haqining olti baravari miqdorigacha	Daromad summasining 10%
Eng kam oylik ish haqining olti baravari miqdoridan (+1 so’m) o’n baravariga miqdorigacha	Eng kam oylik ish haqining olti baravari miqdoridan olinadigan soliq + olti baravaridan oshadigan summaning 16%
Eng kam oylik ish haqining o’n baravari miqdoridan (+1 so’m) va undan yuqori miqdordan	Eng kam oylik ish haqining o’n baravari miqdoridan olinadigan soliq + o’n baravaridan oshadigan summaning 22%

Хodimning ish haqidan yana quyidagi ushlanmalar ushlab qolinadi:

• nafaqa fondiga 4% ushlanma;

  
  

• kasaba uyushasiga 1% ushlanma;

  
  

• хodimning arizasiga binoan.

  
  

Voyaga etmagan bolalr uchun sud qaroriga ko’ra undiriladigan aliment miqdori (Oila kodeksi 99-moddasi) quyidagilardan iborat:

• bir bola uchun –ish haqi va/yoki boshqa daromadning 25%;

  
  

• ikki bola uchun –ish haqi va/yoki boshqa daromadning 33%;

  
  

• uch va undan ortiq bola uchun –ish haqi va/yoki boshqa daromadning 50%;

  
  

Bunda har bir bola uchun undiriladigan aliment miqdori qonun hujjatlari bilan belgilangan eng kam oylik ish haqining uchdan bir qismidan kam bo’lmasligi kerak.