O‘qituvchining echimi Buning asosiy sababi qadimgi Misr o‘z jangchilari ongiga “madaniy hamkorlik tamoyili” singdirilgan. Unga ko‘ra duoxonlar yordamida qo‘shinning harbiy-jangovarlik ruhi ko‘tarilgan. Natijada jangchilar mag‘lubiyatni u qadar og‘ir qabul qilishmagan. Bu esa qo‘shinning harbiy, jangovarlik ruhi cho‘kmaganligini ta’minlagan. SHu sababli urushga tortilgan, g‘olib mamlakatlar Misrni davlat sifatida tan olishda davom etgan.
4-keys bayoni O‘z mohiyati bilan “xuruj” (tahdid) atamasi Sohibqiron Amir Temurning “Temur tuzuklari” kitobida ham uchraydi. YA’ni, “Xuruj kunlari qilgan beshinchi kengashim” sarlavhali bitiklarda g‘animlarning qay tariqa xuruj qilishgani va unga qarshi ko‘rilgan tadbirlar bayon etiladi. Hamisha jaholatga qarshi ma’rifat yo‘lini tanlagan Sohibqiron bir o‘rinda shunday yozadi: “G‘animlarni chuchuk so‘z, shirin hikoyatim bilan o‘z tomonimga egmoqchi va ular vujudidagi yondiruvchi (g‘azab) o‘tini to‘g‘ri tadbir suvi bilan o‘chirmoqni maslahat ko‘rdim. SHu tarzda ularni rom qilmoqchi bo‘ldim”.
Keys topshirig‘i Sohibqiron Amir Temurning hayoti va faoliyatiga doir asarlar, maqolalar bilan tanishish asosida qanday asarda jahongir shaxsiga nisbatan bo‘htondan iborat tahdidlar bo‘lganligini aniqlang.
O‘qituvchining echimi Tarixchi Ibn Arabshohning “Temur tarixida taqdir ajoyibotlari”, M.Bryunning “Men jahonni ochgan Temurman”, 1992 yilda Moskvada bosilib chiqqan “Tamerlan”, ingliz adibasi Xilde Xukkemning “Etti iqlim sultoni”, A.YU.YAkubovskiyning “Temur” deb nomlangan asarlarida sohibqiron shaxsiga oid bo‘hton fikrlar ham ilgari surilgan. Hatto tarixchi, akademik V.V.Bartold ham jahongir Amir Temur haqida so‘z yuritib, “savodsiz bo‘lgan” degan fikrni bildirgan.
