Ayrı-seçkilik әleyhinә Avropa hüququ üzrә mәlumat kitabı

AİƏM, Vasil Ivanov Georgiev v. Tehnicheski universitet – Sofia,

Plovdiv filialı

Birləşdirilmiş işlər C-250/09 and C-268/09, 18 noyabr 2010

(CJEU, Vasil Ivanov Georgiev v. Tehnicheski universitet – Sofia, fil-

ial Plovdiv

Joined cases C-250/09 and C-268/09, 18 November 2010)

Bolqarıstan  məhkəmələrinin  bu  müraciəti,  məcburi  təqaüdlə  bağlı  idi.

Bolqarıstan daxili qanunvericiliyi işəgötürən üçün 65 yaşa çatmış univer-

sitet professorunun müqaviləsini dayandırmağı və bu yaşdan sonra, bir illik

müddətə maksimum 3 dəfə müqavilə bağlamağı mümkün edirdi. Məhkəmə

belə  qanunvericiliyin  2000/78/EC  Şura  Direktivi  ilə  qadağan  olunub-

olunmadığını soruşurdu. Direktivə əsasən, birbaşa ayrı-seçkilik bir fərdə

qarşı, məsələn, yaşa görə digərindən daha az yaxşı davranıldığında baş

verir.  Yaş  əsasında  davranışda  fərqlər  legitim  məqsədlə  obyektiv  və

ağlabatan şəkildə əsaslandırıldığında ayrı-seçkilik kimi təsnif oluna bilməz.

İşəgötürmə, əmək bazarı və ya ixtisas təlimi üzrə təşəbbüslə əlaqədar belə

məqsəd legitim siyasət ola bilər. Bolqarıstan hökuməti slovak və alman

hökumətləri və Komissiya tərəfindən dəstəklənirdi və bildirirdi ki, məsələ ilə

bağlı daxili qanunvericilik daha gənc nəslə professor vəzifələri tutmağa

imkan verərək, bununla tədris və tədqiqatın keyfiyyətinin yaxşılaşmasına

şərait yaradırdı. 

ABƏM  belə  qərara  gəldi  ki,  2000/78/EC  Şura  Direktivi  universitet

professorlarına 65 yaşdan sonra müddətli bir illik müqavilə ilə işləməyə

icazə verən və 68 yaşında təqaüdə göndərən daxili qanunvericiliyə icazə

verir.  Məhkəmə  vurğuladı  ki,  belə  qanunvericilik  əmək  bazarı  və  ya

işəgötürmə siyasəti ilə bağlı legitim məqsəd daşımalı və ona müvafiq və

zəruri vasitələrlə nail olunmalıdır. Legitim məqsəd tədrisin keyfiyyətini və

müxtəlif nəsil professorların vəzifələrinin optimal bölünməsini təmin etmək

məqsədi ola bilər. ABƏM həm də qeyd edirdi ki, bu işdə mübahisə dövlət

institutu  ilə  fərd  arasında  olduğu  üçün,  daxili  məhkəmə  direktivin

müddəalarına uyğun gəlməyən daxili qanunvericiliyi tətbiq edə bilməzdi.

180

Ayrı-seçkilik əleyhinə Avropa hüququ üzrə Məlumat kitabı

---