Modulun adı: Tikiş məmulatlarının hazırlanma texnologiyası Modulun kodu: Modul üzrə saatlar: 319 Modulun ümumi məqsədi:Bu modulu bitirdikdən sonra tələbə sifarişə uyğun tələb olunan forma və ölçülərdə müxtəlif növ tikiş məmulatlarını tikməyi bacarır. Təlim nəticəsi 1: Əl və maşın işlərini yerinə yetirməyi bacarır Qiymətləndirmə meyarları 1. Texniki təhlükəsizlik qaydalarına əməl etməklə işçi yerini düzgün təşkil edir; 2. Alət və avadanlıqları iş prosesində tətbiq edir; 3. Əl və maşın tikişlərinin növ və təyinatını müəyyənləşdirir; 4. Əl və maşın tikişlərini yerinə yetirərkən texniki şərtlərə əməl edir. Təlim nəticəsi 2: İsti – nəmləndirmə əməliyyatları (İNƏ) haqqında bilir və onlardan iş prosesində istifadə etməyi bacarır Qiymətləndirmə meyarları 1. Texniki təhlükəsizlik qaydalarına uyğun iş yerini düzgün təşkil edir; 2. Alət və avadanlıqlar haqqında məlumat verir; 3. İNƏ növlərini və təyinatını müəyyən edir; 4. İNƏ yerinə yetirən zaman texniki şərtlərə əməl edir. Təlim nəticəsi 3: Məmulatın ayrı – ayrı hissələrini hazırlamağı bacarır Qiymətləndirmə meyarları 1. Məmulatın kiçik hissələrini hazırlayır; 2. Ciblərin hazırlanma qaydalarını tətbiq edir; 3. Müxtəlif növ yaxalıqları tikir; 4. Bağlamaların növlərini sadalamaqla tikilmə üsulunu müəyyən edir; 5. Tələbə axınında müxtəlif əməliyyatları yerinə yetirir.
