Qeyd edək ki, həqiqi sabitlər və dəyişənlər üzərində toplama, fərq, hasil və
bölmə əməliyyatları yerinə yetirmək olar. Həqiqi dəyişənlər və sabitlər həqiqi
qiymətlərlə yanaşı tam qiymətlər də ala bilir. Hesabi əməliyyatlar zamanı aşağıdakı
prioritet saxlanılır: əvvəlcə hasil və bölmə, sonra isə vurma və fərq əməliyyatı
yerinə yetirilir. Bu prioriteti mötərizələr vasitəsilə dəyişmək olur. Həqiqi
verilənlərin aldığı qiymətlər qeyd olunmuş və sürüşgən vergüllü ədədlər kimi kimi
təsvir olunur. Məsələn, 0.0015 və 1.5E-3 (yəni 1,5·10
-3
) yazılışları ekvivalentdir.
Hesab əməlləri yerinə yetirildikdə dolub-daşma vəziyyəti alınarsa, onda
proqramda səhv baş verir və uyğun diaqnostik məlumat ekranda əks olunur. Əgər
olduqca kiçik ədəd alınarsa, onda bu ədəd başa düşülmür və bu vəziyyət tərtibin
pozulması adlanır.
Sadalanan tiplərdə verilənlərin qiymətləri birbaşa sadalanır. Qiymətlər bir-
birindən vergül işarəsi ilə ayrılmaqla mötərizə daxilində yazılır. Sadalanan tiplərin
ümumi yazılış forması belədir:
