Azərbaycan döVLƏT İQTİsad universiteti
Yüklə 1,23 Mb. Pdf görüntüsü
|
|
İncəsənət. Turizmin əlaqəli olduğu sahələrdən biri də incəsənət sahəsidir.
Beynəlxalq çərçivədə keçirilən musiqi yarışları buna ən bariz nümunədir. Avropada çox yaxşı tanınan “Eurovision” mahnı musabiqəsi, hər il keçirildiyi ölkələrə çoxlu sayda turist qazandırır. İnsanlar həmin ölkələrərə səfər edərək həm mahnı yarışmasını canlı olaraq izləmiş olur, həm də ölkəni səyahət edərək asudə vaxtını səmərəli keçirir. Azərbaycanda da 2012-ci ildə “Eurovision” mahnı müsabiqəsi keçirildi. Bu beynəlxalq tədbirin həyata keçirilməsi ilə ölkəmizə çoxlu sayda turist axını baş verdi. Artıq Avropada daha geniş kütlə tərəfindən tanınmağa, turistlərin marağını cəlb etməyə başladı. “Eurovision – 2012” kimi nüfuzlu mahnı müsabiqəsinin Azərbaycanın paytaxtında keçirilməsi dünyanın dörd bir yanından turistlərin ölkəmizə səfəri üçün şərait yaratdı və bu mötəbər hadisə ölkədə turizm sənayesinin inkişafı üçün çox güclü təkan oldu. 25 İdman. Hər ay dünyanın müxtəlif yerlərində müxtəlif növ idman yarışları keçirilir. Bunlar arasında beynəlxalq əhəmiyyətli yarışlar olur ki, bu da turistləri cəlb etmək baxımdan əlverişli fürsət yaradır. Belə idman növləri arasında məşhur sayılan Olimpiya Oyunlarını, Futbol üzrə keçirilən beynəlxalq yarışları, Formula-1 idman növünü qeyd edə bilərik. 4 ildən bir keçirilən Olimpiya İdman oyunları keçirildiyi ölkəyə çox böyük sayda turist qazandırır. Bu da ölkənin iqtisadiyyatında irəliləyişə səbəb olur. Futbol üzrə beynəlxalq yarışlar da bura aid edilə bilər. Təkcə “Çempionlar Liqası” və “Avropa Liqası” kimi yarışların final mərhələlərində, həmçinin Dünya və Avropa çempionatları kimi beynəlxalq turnirlərdə ölkəyə gələn turistlərin sayında digər dövrlərlə müqayisədə artım olduğu görülə bilər. Azərbaycanda “Bakı 2015 Yay Olimpiya Oyunları”nın ölkəyə turist axınını daha da gücləndirmiş oldu. Məhz həmin ildə ilk dəfə istifadəyə verilmiş və elə turnirin açılış və bağlanış mərasimlərinin keçirildiyi Bakı Olimpiya Stadionu 2018- 2019 cu il mövsümləri üçün “Avropa Liqası”nın final mərhələsinə ev sahibliyi edəcək. Ölkəmizdə təşkil olunan “Formula 1” yarışları da turizm baxımından xeyli töhfə vermiş oldu. Siyasət. Turizm xalqlar arasında mədəni əlaqələr yaratmaqla yanaşı dövlətlər arası münasibətlərin də inkişafına təkan verir. Diplomatik əlaqələri yüksək səviyyədə olan ölkənin münasibətləri də inkişaf etdikcə bu özünü bütün sahələrdə göstərməyə başlayır. Bir çox hallarda belə ölkələr aralarındakı viza rejimi də ləğv olunur. Bu da hər iki ölkə üçün daha çox turistin gəlməyinə səbəb olur. Ölkədə siyasi sabitliyin qorunması, beynəlxalq səviyyədə də bu şəkildə tanınması ölkə turizmi üçün ən əhəmiyyətli mövzulardan biridir. Ölkənin coğrafi imkanları nə dərəcədə əlverişli olursa olsun, turistlər siyasi sabitliyin pozulduğu ölkəyə getmək istəməzlər. Bunu hal-hazırda dünyada siyai sabitliyi qaydasında olmayan, siyasi gərginliyi ilə seçilən ölkələrin turizm sahəsinə müvafiq göstəricilərində görülə bilər. |