Azərbaycan döVLƏT İQTİsad universiteti
Yüklə 1,23 Mb. Pdf görüntüsü
|
|
65 NƏTİCƏ VƏ TƏKLİFLƏR Çağdaş dünyada turizm həm insanların həyatında, həm də istənilən ölkənin iqtisadiyyatı üçün başlıca faktor sayılır. Bu sahəyə maraq istər turistlər tərəfindən, istər dövlət tərəfindən, istərsə də özəl sektor tərəfindən getdikcə artmaqdadır. Xüsusilə mövzu əgər Turizm Biznesidirsə bu maraq əsasən özünü özəl sferalarda göstərmiş olur. Turizm bütün dövrlərdə mövcud olduğundan bu sahə daima diqqət mərkəzində olmalı, inkişafı təmin edilməlidir. Bu səbəbdən Azərbaycanda Turizm Biznesinin inkişafı ilə əlaqəli aşağıdakı nəticə və təkliflər verilmişdir: 1) İlk öncə bu sahə üçün önəmli məsələlərdən biri olan qiymət amilinə toxunmaq məqsəduyğun olardı. Çünki Azərbaycanda Turizm sektorunda mövcud olan başlıca problem qiymətlərlə bağlıdır. Bunu məhz tədqiqat müddətində aparılmış anket-sorğunun cavabından görmək mümkündür. Belə ki, respondentlərin böyük əksəriyyəti qiymətlərin yüksək olduğunu bildirmişlər. Bu sahə ilə bağlı düzgün qiymət strategiyası aparılmalı, cari qiymətlər ətraflı nəzərdən keçirilməli və dərindən təhlil edilməlidir. 2) Yaşadığımız dünyada hər hansı biznesin uğurlu inkişaf yolu qət etməsi üçün ən vacib nüanslardan biri dügün reklam, marketing siyasətinin aparılmasıdır. İnformasiya mübadiləsinin bu qədər sürətlə aparıldığı dövrdə reklam-təbliğat işləri yüksək dəqiqliklə və zamana uyğun şəkildə aparılmalıdır. İri şirkətlərin belə hər zaman reklama ehtiyacı vardır. Çünki reklam informasiyanın bir növüdür. Şirkətlər də öz məhsullarını reklam etdirməli, müştərilərə lazımi informasiya çatdırmalıdır. Azərbaycan son illərdə bununla bağlı bir sıra addımlar atmaqdadır. Tədqiqat işində də qeyd edildiyi kimi ölkəmizdə keçirilən mötəbər yarışlar, beynəlxalq tədbirlər Azərbaycanı turizm ölkəsi olaraq tanınmasında mühüm rol oynaya bilər. Təsadüfi deyil ki, Azərbaycana gələn turistlərin sayı əvvəlki illərlə müqayisədə artmaqdadır. Bununla belə ölkəmizin turizm potensilının təbliğinə yenə də ehtiyac duyulmaqdadır. Çünki elə bölgələrimiz vardır ki, oranın zəngin tarixi, münasib iqlimi olmağına baxmayaraq turist axını elə çox deyil. 66 3) Ən vacib faktorlardan biri də infrastruktur məsələsidir. Məqsəd turizmi inkişaf etdirməkdirsə, müasir infrastruktura malik olmaq mütləqdir. Azərbaycanda son dövrlərdə yeni istirahət mərkəzləri, otellər, müəssisələr istifadə verilməsinə baxmayaraq, hələ də bəzi regionlarımız vardır ki, bununla bağlı yenidənqurmaya ehtiyac vardır. Bunu daha çox müalicəvi sanatoriyaların, mineral bulaqların, təbii sərvətlərin bol olduğu regionlar üzrə təşkil etmək məqsədəuyğun olardı. 4) Dünya təcrübəsindən yararlanmaq. Etiraf etmək lazımdır ki, bu sahə üzrə olduqca güclü inkişafa malik ölkələr vardır ki, onlarda tətbiq edilən bir sıra xidmətlər hələ ki bizdə istifadə olunmamaqdadır. Yaşadığımız dövrdə kreativlik, yaradıcı düşüncə bütün sahələrdə çox mühüm yer tutur. Bundan daha çox xidmət sferaları yararlanmaqdadır. Turizm də bir növ xidmət sferası olduğundan son dövrlər ərzində burada bir sıra kreativ yeniliklər tətbiq olunmaqdadır. Ölkəmizdə də belə yeniliklərin tətbiqi Turizmə öz töhfəsini vermiş olar. 5) Ekoturizmin inkişafı da diqqət mərkəzində olan məsələlərdən biri sayılır. Turizmin bir növü olaraq ekoturizm son illərdə dünya miqayasında geniş yayılmışdır. Vətənimizdə də bu sektorla əlaqəli müsbətə yönəlik dəyişikliklər görmək istəyiriksə, ekoturizmin inkişaf etdirilməsi də mütləq şəkildə nəzərə alınmalıdır. 6) Kənd turizminin inkişaf etdirilməsi. Son illərdə Təkcə Azərbaycanda deyil, dünyanın bütün regionlarda kənd turizmə marağın artdığını müşahidə etmək olur. Səyahət zamanı insanlar əsasən iri şəhərlərə, tanınmış məkanlara üz tutmuş olsalar da, kiçik şəhərlərə, kəndlərə gedənlərin də sayı az deyildir. Bura bəzi nüanslar təsir edə bilər : - Həmin məkanın ( şəhərin, kəndin, bölgənin) hansısa bir adla tanınmağı ; - Füsünkar təbiətə sahib olmaqla diqqətləri özünə cəlb etməsi ; - Tarixi , memarlıq abidələrilə ; - Həmin bölgədə yaşayan hər hansı bir məşhur insanla bağlı ( məsələn, kimsə iaşə obyektinə sahib olmaqla, orada özünəməxsus xidmətlərlə tanına və diqqətləri özünə cəlb edə bilər) və.s 67 Bu siyahını bir qədər də uzatmaq olar. Lakin əsas məsələ belə yerləri turistlərə tanıtdırmaq və reklam etdirməkdir. 7) Turizm agentliklərinin səviyyəsinin yuksəldilməsi. Bu sektorla əlaqəli ən vacib subyektlərdən biri burada fəaliyyət göstərən şirkətlərdir. Turistlərin cəlb edilməsi, gediləcək şəhərlər, məkanlarla bağlı reklam işlərinin görülməsi, turların təşkil edilməsi, qeydiyyata alma və b. Bu kimi işlərin görülməsində agentliklər, şirkətlər mühüm rol oynayırlar. |