Azərbaycan Respublikası Səhiyyə Nazirinin 19 sentyabr 2012-ci IL tarixli 70 nömrəli

Əczaçı – bakalavrın  nümunəvi vəzifə

T Ə L İ M A T I

I.  Ümumi müddəalar

1. 

Bu   vəzifə   təlimatı     əczaçı-bakalavrın   vəzifə   öhdəliklərini,   hüquq   və 

məsuliyyətini müəyyən edir.

2. 

Əczaçı-bakalavr   vəzifəsinə   əyani   formada   təhsil   proqramının 

mənimsənilməsinin  normativ  müddəti  4 (dörd) il olan bakalavrın birinci pilləsində 

təhsil alan və ixtisas dərəcəsi “əczaçı-bakalavr” olan şəxs təyin edilir.

3. 

Peşə tədris proqramını tam mənimsəyən əczaçı-bakalavr magistraturada 

təhsilini   davam   etdir   bilər.   Əczaçı-bakalavr   Azərbaycan   Respublikasının 

qanunvericiliyində ali peşə təhsilinə malik şəxslər üçün nəzərdə tutulmuş vəzifələrdə - 

əczaçı peşəsinə və əczaçı ixtisas dərəcəsinə uyğun gələn istənilən əczaçılıq idarə və 

müəssisələrində, müxtəlif əczaçılıq təhsil müəssisələrində (əczaçılıq ali məktəblərində 

elmi, elmi-pedaqoji fəaliyyət istisna olmaqla) işləyə bilər.

4. 

Əczaçı-bakalavr   Azərbaycan   Respublikasının   qüvvədə   olan 

qanunvericiliyinə   uyğun   olaraq   müəssisə   rəhbərinin   əmri   ilə   vəzifəyə   təyin     və 

vəzifədən azad edilir.

5. 

Əczaçı-bakalavr   bilavasitə   öz   struktur   bölməsinin   rəhbərinə   olmaqla, 

müəssisə rəhbərinə və ya onun müavininə tabe olur.

6. 

Əczaçı-bakalavr aşağıdakıları bilməlidir:

6.1.  Azərbaycan   Respublikasının   Konstitusiyasını;   Azərbaycan 

Respublikasının səhiyyə qanunvericiliyinin əsaslarını;

6.2.  səhiyyə   müəssisələrinin   fəaliyyətini   tənzimləyən,   eləcə   də   əczaçılıq 

məsələləri üzrə normativ hüquqi aktları;

6.3.  əczaçılıq   işinin   əsaslarını;   xəstəliklərin   müalicəsində,   diaqnostikasında, 

profilaktikasında, reabilitasiyası və gigiyenasında istifadə olunan dərman vasitələri ilə 

davranışları,   dərman   vasitələrinin   tətbiqi,   istehsalı,   qablaşdırılması,   saxlanılması, 

daşınması, dövlət qeydiyyatı, sertifikasiyası, keyfiyyətinə nəzarət və standartlaşması, 

satışı, reklamı, tətbiqi və yararsız olanların məhv edilməsi qaydalarını; həkiməqədər 

ilkin tibbi yardım göstərilməsi qaydalarını;

231

---

6.4.  əczaçılıq informasiyasının metodları və vasitələrini;

6.5.  tibbi etikanı, peşəkar ünsiyyət psixologiyasını;

6.6.  əmək   qanunvericiliyinin   əsaslarını,   daxili   əmək   intizamı   qaydalarını, 

əməyin mühafizəsi və yanğın təhlükəsizliyi üzrə qaydaları bilməlidir.