Entomoloqun köməkçisinin nümunəvi vəzifə
T Ə L İ M A T I
I. Ümumi müddəalar
1.
Bu vəzifə təlimatı entomoloqun köməkçisinin vəzifə öhdəliklərini, hüquq
və məsuliyyətini müəyyən edir.
2.
Entomoloqun köməkçisi vəzifəsinə, iş stajına tələb qoyulmadan, “sanitar-
feldşer” ixtisası üzrə orta tibb təhsili olan şəxs təyin edilir.
3.
Entomoloqun köməkçisi Azərbaycan Respublikasının qüvvədə olan
qanunvericiliyinə uyğun olaraq müəssisə rəhbərinin əmri ilə vəzifəyə təyin və
vəzifədən azad edilir.
4.
Entomoloqun köməkçisi bilavasitə həkim-entomoloqa olmaqla, müəssisə
rəhbərinə və ya onun müavininə tabe olur.
5.
Entomoloqun köməkçisi aşağıdakıları bilməlidir:
5.1. Azərbaycan Respublikasının Konstitusiyasını; Azərbaycan
Respublikasının səhiyyə qanunvericiliyinin əsaslarını;
5.2. səhiyyə müəssisələrinin fəaliyyətini tənzimləyən normativ hüquqi aktları;
5.3. səhiyyə müəssisələrinin fəaliyyətini və epidemiologiya xidmətini
tənzimləyən normativ hüquqi aktları;
5.4. sanitariya qaydalarına, normalarına və gigiyenik normativlərə riayət
olunmasına nəzarət metodlarını;
5.5. sanitariya-epidemioloji müəssisələrin və onların bölmələrinin fəaliyyətini
tənzimləyən əsas təşkilati-sərəncamçı sənədləri;
5.6. fəlakətlərdə tibbi xidmətin əsaslarını;
5.7. əmək qanunvericiliyinin əsaslarını, daxili əmək intizamı qaydalarını,
əməyin mühafizəsi və yanğın təhlükəsizliyi üzrə qaydaları bilməlidir.
Dostları ilə paylaş: | 
