|
EKT-nin riskləri:
Ümumiyyətlə müvəqqəti yaddaş pozğunluğu, unutqanlıq və müalicə müddətində baş verən yeni
hadisələri xatırlamamaq kimi hallar müşahidə edilə bilər.
Müalicədən sonra qısa müddət davam edən çaşqınlıq dövrü ola bilər.
Çox nadir hallarda xəstədə tənəffüs gecikməsi ola bilər. Belə olan halda xəstəyə maskayla təmiz oksigen
verilərək tənəffüs tam bərpa olana qədər reanimasiya şərtlərində nəzarəti davam etdirilir.
İnsanda mövcud olan protezlər (diş, göz, sümük protezi) risk yarada bilər. Xəstə və yaxınları protez varsa
həkimi mütləq xəbərdar etməlidir.
Nadir hallarda çənə və çiyin çıxığı, sümük qırıqları ola bilər.
Çox nadir olsa da 25.000-50.000 nəfərdən bir qəfil ölüm baş verə bilər.
Yuxarıdakı riskləri minimuma endirmək üçün EKT tətbiq ediləcək hər bir xəstə ətraflı olaraq
qiymətləndirilir, bütün müvafiq müayinələr aparılır. Digər müalicə seçimlərinə görə daha səmərəli olacağı
ehtimal edildiyi zaman; EKT tətbiqinə bir həkim tərəfindən deyil, müalicə aparan qrup tərəfindən qərar verilir.
Yenə də xəstənin və ya yaxınlarının verilən məlumatlarla yanaşı, bu müalicə ilə bağlı daha ətraflı məlumat almaq,
suallar vermək, mübahisə etmək və nəticədə EKT-ni təsdiq etmək, imtina etmək və ya başa çatdırmaq hüququ
vardır.
| 
