Azərbaycan Respublikası Təhsil Nazirliyi Azərbaycan Respublikası Təhsil Problemləri İnstitutu

2.3. Müəllimin təlim fəaliyyətinin planlaşdırılmasına dair nümunələr 
 
Planlaşdırma  hər  bir  fənn  müəlliminin,  o  cümlədən  texnologiya  müəlliminin 
qarşısında  duran  vacib  vəzifələrdən  biridir.  Planlaşdırma  dərsin  məqsədlərini 
müəyyənləşdirir  və  müəllimin  mövzu  ilə  əlaqədar  fəaliyyətini  düzgün 
istiqamətləndirir.  İllik planlaşdırmada  tədris  vahidlərinə  uyğun  olaraq  hər  bir  dərsin 
mövzusu  və  ona  ayrılan  saatın  miqdarı  qeyd  olunur.  Tədris  vahidləri  məzmun 
standartlarına  uyğun  olaraq  müəyyən  edilir  və  onların  ardıcıllıq  prinsipləri 
müəyyənləşdirilir.  Bu  zaman  sadədən  mürəkkəbə  olan  məzmun  ardıcıllığı,  zamanla 
əlaqədar xronoloji ardıcıllıq, eyni zamanda məntiqi ardıcıllıq gözlənilməlidir. Tədris 

---

 
 
51 
 
vahidinə  uyğun  saatlar  müəyyənləşdirilərkən  mövzuların  əhəmiyyətliliyi,  həcmi  və 
mürəkkəbliyi, eyni zamanda şagirdin maraqları da nəzərə alınmalıdır.  
Texnologiya  müəllimi  illik,  yarımillik,  həm  də  gündəlik  dərs  planlaşdırması 
apararkən  Təhsil  Nazirliyi  tərəfindən  qəbul  edilmiş  məzmun  standartlarına, 
qiymətləndirmə  standartlarına,  tədris  planına,  dərsliyə  və  müəllim  üçün  vəsaitə 
əsaslanmalıdır.  
Müəllim tədris edəcək mövzuları aşağıdakı sxemə uyğun planlaşdıra bilər: