Azərbaycan Respublikası Təhsil Nazirliyi Azərbaycan Texniki Universiteti

Təcrübi hissə

Təcrübə 1. Misə turşuların təsiri

Üç sınaq şüşəsi götürüb, hər birinə 2-3 ml 1:1 nisbətində durulaşdırılmış HCl, HNO₃ və H₂SO₄, üç başqa sınaq şüşəsinə isə həmin turşuların qatı məhlulunu tökün. Sonra hər sınaq şü­şəsinə bir az mis yonqarları əlavə edin. Nə müşahidə olu­nur? Hansı sı­naq şüşəsində reaksiya getmirsə ehtiyatla qızdı­rın. Mis turşuların hansı ilə reaksiyaya daxil olur? Reaksi­ya­la­rın tənliklərini yazın.

Cu + 4HNO₃ → Cu(NO₃)₂ + 2NO₂ + 2H₂O

qatı

3Cu + 8HNO₃→ 3Cu(NO₃)₂ + 2NO + 4H₂O

duru

Cu + 2H₂SO₄ → CuSO₄ + SO₂ + 2H₂O

qatı

Təcrübə 2. Mis-2 hidroksidin alınması və xassələri

Sınaq şüşəsinə 2-3 ml mis-2 sulfat məhlulu töküb üzərinə bir o qədər də qələvi məhlulu əlavə edin. Reaksiyanın mole­kul­yar və ion tənliklərini yazın. Çöküntünün rəngini qeyd edin. Birinci his­səyə turşu, ikinci hisəsyə qatı qələvi məhlulu əlavə edin. Üçüncü sınaq şüşəsini qaynayana qədər qızdırın. Bu zaman nə müşahidə olunur?

Mis-2 hidroksidin qələvi və turşuda həll olması reaksiya­la­rının molekulyar və ion tənliklərini yazın.