Azərbaycan respublikasi elm və TƏHSİl naziRLİYİ azərbaycan döVLƏT

ELMİ İŞLƏRİN HAZIRLANMASINA DAİR
ÜMUMİ ANLAYIŞLAR


Elmi işin mərhələləri. İşin mövzusunu tədqiqat predmeti təyin etdiyindən, ilk növbədə tədqiqatın obyekti və onun predmeti müəyyənləşdirilməlidir.
Mövzunun seçilməsinin ən vacib meyarı onun aktu­allığı sayılır. Mövzunun aktuallığı dedikdə, onun cəmiyyət üçün əhəmiyyəti başa düşülür, yəni qeyd olunan sahələrin tələbatını ödəmək üçün qarşıda duran məsələlərin həllində bu mövzunun vacibliyi nəzərdə tutulur.
Mövzunun yeniliyi yeni, tədqiq olunmamış obyekt­lə­rin araşdırılması və ya məlum obyektlərin qeyri-ənənəvi nöqteyi-nəzərdən, qeyri-ənənəvi metodlarla tədqiqi ilə tə­min olunur.
Mövzunun perspektivliyi onun gələcəkdə daha geniş şəkildə araşdırılması imkanlarını əhatə edir.
Magistrantın seçdiyi mövzu onun təhsil aldığı sahənin əsas inkişaf istiqamətinə, eyni zamanda ali məktəbin məş­ğul olduğu elmi istiqamətə uyğun gəlməlidir. Elmi istiqa­mət deyəndə, vaxtaşırı bu və ya digər elmi problemlərin həllinə çalışan ali məktəb kollektivinin məşğul olduğu elmi-tədqiqat sahələri başa düşülür. Elmi istiqamət müxtəlif elmi problemlərə bölünür. Hər bir elmi problem bir çox möv­zulardan ibarətdir. Mövzu elmi-tədqiqatın müəyyən sahə­sini əhatə edən elmi tapşırıq olub, bir çox elmi suallara əsaslanır. Elmi sual dedikdə nisbətən kiçik elmi məsələlər nəzərdə tutulur. Verilmiş mövzu üzrə araşdırma fərdi və ya kollektiv şəkildə, elmi işçilər qrupu tərəfindən icra olunur.
Magistrant tərəfindən seçilmiş mövzu, onların gələ­cək praktiki işlərində ixtisaslaşmış şəkildə tətbiqinə imkan verən metodlar arsenalına və təhsilin profilinə uyğun gəl­məlidir. Ancaq bu, o demək deyil ki, tədqiqat prosesində mövzu əsas ixtisas fənninin sərhədindən kənara çıxa bilməz. Əksinə, magistrant mövzunun seçilməsi zamanı tədqiqatın aparılmasındakı sualları həmçinin qarışıq fənlərdən tərtib edə bilər. Seçilmiş mövzunun tədris olunan fənnə uyğun olması tələbi, tələbənin tədqiqat nəticəsində əldə etdiyi nəticələri kurs və buraxılış işlərində, hesa­batlarda istifadə edə bilmə şərtindən irəli gəlir.