3.2.3 Rusiya Federasiyası və Birləşmiş Krallıq
Britaniya tərəfindən Avropa İttifaqını tərk etmək haqqında verilən qərar onun
Avropa ilə gələcək münasibətlərini şübhə altına alır. Bu Rusiya üçün etibarlı ticarət
tərəfdaşına çevrilmək üçün bir imkan ola bilər.
Bugünlərdə iqtisadi sanksiyalara məruz qalması və Qərb və NATO ilə pisləşən
münasibətlər səbəbindən Birləşmiş Krallıq üçün uyğun tərəfdaş kimi görünməyən
Rusiyanın keçid mərhələsində Britaniya üçün vacib müttəfiq (sadəcə ticarət tərəfdaşı
deyil, Şərqlə Qərb arasında körpü) olma potensialı var. Moskva keçən bir neçə il
müddətində Avrasiyada öz təsir dairəsini əhəmiyyətli dərəcədə artmış və bugün Çin
və Hindistan ilə yaxın tərəfdaş mövqeyində dayanmışdır. Rusiya öz xarici siyasətini
digər Avrasiya ölkələri arasında imicini yaxşılaşdırmaq və dünyanın ən inkişaf etmiş
bazarlarını əhatə edən BRİCS vasitəsi ilə qlobal iqtisadi güc kimi meydana çıxmaq
istiqamətində həyata keçirir.
2016-ci il statistikasına görə, Birləşmiş Krallığın Rusiyadan idxal etdiyi malların
dəyəri 5,6 milyard funt sterlinq, idxalı isə 3,5 milyard funt sterlinqdir.
Birləşmiş Krallıqda Rusiya Federasiyasının fövqəladə və səlahiyyətli səfiri
Aleksandr Yakovenko Kameronun istefasından sonra Britaniya hökumətinin
67
dəyişməsinin onun Rusiya ilə münasibətlərinin normallaşması üçün yeni imkanlar
yaratdığını bildirmişdir.
Xarici siyasətdə praqmatik mövqe tutan Theresa Mayın Rusiya ilə bağlı mövqeyi
mediada yayımlanan məqaləsində öz əksini tapmışdır:
“Biz son illərdə Rusiyanın yeni aqresiv hərəkətlərinin, ən qorxunc bir şəkildə
Krımın qeyri-qanuni anneksiyası vəziyyətinə şahid olduq və Vladimir Putin Rusiyanın
nüvə güclərini yüksəltmək niyyətindədir. Rusiya həyata keçirdiyi nüvə sınağının
sayını artırdı, Putin isə Krımda və Kalininqradda, Baltik dənizindəki Rusiya anklavı
Polşa və Litvaya qonşu olan ərazilərdə nüvə gücü yaratmaqda təhdid edir.
...Birləşmiş Krallıq NATO ilə birgə çalışmağa davam edəcək”.
ABŞ prezidenti Donald Trumpın Rusiyaya qarşı münasibəti Birləşmiş Krallıq
hökumətinin Rusiyaya qarşı gələcək qərarlarına təsir göstərə bilər.
Mövcud siyasi vəziyyət London və Moskva arasında qısamüddətli aktiv
əməkdaşlıq üçün əlverişsiz görünsə də iqtisadi və ticarət əlaqələrini inkişaf etdirmək
üçün böyük potensiala malikdir.
Bu ssenari, 50-ci maddənin müzakirəsi zamanı Aİ-
nin Böyük Britaniyaya iqtisadi ziyan vurma ehtimalına və həmçinin Theresa Mayın
yeni tərəfdaşları ilə yeni körpülər qurma seçimlərini necə dəyərləndirəcəyinə əsasən
köklü dəyişə bilər
.
[45]
2003-cü ildə tərəflər arasında münasibətlər soyuq müharibədən sonra yüksək
səviyyəyə çatdı. Prezident Putin Böyük Britaniyaya dövlət səfərini etdi və TNK-BP
neft sazişi imzalandı. Üç ildən sonra Londonda Aleksandr Litvinenkonun
öldürülməsindən sonra əlaqələr soyudu. Əlaqələr daha sonra bir qədər sabitləşdi,
amma Rusiyanın Krımı ilhaqı və Şərqi Ukraynada baş verənlər münasibətləri
yenidən pisləşdirdi. Rusiya ilə olan münasibətlərin Böyük Britaniya siyasətçiləri
tərəfindən qəribə olaraq qiymətləndirilməsində bir sıra səbəblər vardır.
Birincisi, əlaqələr dəyişkəndir, çünki onlar çox az ortaq dəyərlərə və maraqlara
sahibdirlər.
İkincisi, əlaqələr Britaniya hökumətinin nəzarətindən kənar qüvvələr tərəfindən
formalaşır. 2003 və 2006-cı illərdə baş verənlər buna misaldır. İraqa Birləşmiş
Krallığın da iştirak etdiyi ABŞ rəhbərliyi ilə edilən müdaxilənin Rusiya ilə
68
münasibətlərə mənfi təsiri var idi. Həqiqətən də, əlaqələri pisləşdirən məsələlər
Britaniya hökumətinin faktiki olaraq heç bir təsiri olmadığı hadisələr idi: İngiltərə
məhkəməsinin Boris Berezovskiyə sığınacaq verməsi; Rusiyanın 2003-cü ilin
sonlarından etibarən avtoritarizmə meyl etməsi (təhlükəsizlik xidmətlərinin
üstünlüyü); ABŞ-Rusiya münasibətlərinin pisləşməsi; Rusiyanın postsovet
qonşularının bəzilərində qeyri-sabitlik (xüsusilə, Gürcüstan və Ukraynada "rəngli"
inqilablar).
Üçüncüsü, Rusiya liderləri Birləşmiş Krallığı öz ölkələri ilə eyni gücdə hesab
etmirlər. Kremlin üçün Rusiya həmişə böyük güc olmuşdur və olmaqda davam edir.
ABŞ və Çinlə birlikdə o çoxqütblü dünyanın bir parçasıdır, ancaq Birləşmiş Krallıq
qütblərdən biri deyildir. Birləşmiş Krallıq BMT Təhlükəsizlik Şurasının daimi
üzvüdür; nüvə silahına malikdir; NATO-nun aparıcı üzvlərindən biridir; tarixən ABŞ-
ın yaxın tərəfdaşıdır; və dünyanın 6-cı böyük iqtisadiyyatıdır. Ancaq Rusiya
perspektivindən Birləşmiş Krallığın müstəqil xarici siyasət aparmaq üçün lazım olan
imkanları yoxdur. Böyük güc olmağın əsas şərtlərindən biri geosiyasi muxtariyyətin
olmasıdır ki, Britaniya bu xüsusiyyətə malik deyildir. Bunun Böyük Britaniyanın
xarici siyasətində bəzi nəticələri vardır. Rusiya ilə münasibətlərində maraqlarını
mümkün qədər effektiv şəkildə müdafiə etmək üçün Böyük Britaniya öz
ittifaqlarından və çoxtərəfli təşkilatlarda üzvlüyündən istifadə etməlidir.
Brexitə gəldikdə, Brexit Birləşmiş Krallığı Rusiyanın gözündə daha da kiçildir.
Birincisi, bu Böyük Britaniyanın çoxtərəfli orqandan xaricdə qalması deməkdir.
Həmin çoxtərəfli orqanlarda təmsil olunma Böyük Britaniyanın Rusiya siyasətinin
əsas elementi halına gəlmişdir. Məsələn, Ukrayna ilə bağlı Rusiyaya qarşı
sanksiyalar.
İkincisi, Böyük Britaniyanı Aİ-dən çıxması olduqca mürəkkəb və mübahisəli
məsələdir. O Birləşmiş Krallığın digər üzv dövlətlərlə əlaqələrinə ziyan vuraraq onun
Avropadakı nüfuzunu və təsirini azaltmaqdadır.
Nəhayət, Brexit Böyük Britaniyada siyasi qruplar, bölgələr və yaş qrupları
arasında dərin parçalanmalara səbəb olmuşdur. Rus liderlərinin fikrincə daxili
bölünmə xarici zəifliyi gətirir.
[8]
69
Rusiyanın birtərəfli əlaqələrdə çox da maraqlı olmadığı görünür. 2013-cü il
Rusiyanın Xarici Siyasət Konsepsiyası Böyük Britaniyanı qarşılıqlı əlaqələri inkişaf
etdirməyin faydalı olduğu bir ölkə kimi qeyd etmişdi. 2016 konsepsiyası Almaniya,
Fransa, İtaliya və "digər Avropa" dövlətləri ilə əlaqələr deyərkən Birləşmiş Krallığı
qeyd etmir.
Brexit nəticəsində “Qlobal Britaniya”nın yeni tərəfdaşlara ehtiyac duyacaqdır.
Bəs Brexit Birləşmiş Krallıqla Rusiya yaxınlaşması üçün yeni imkanlar yarada
bilərmi?
İkitərəfli səviyyədə Brexitin gətirdiyi yeni rəhbərliyin ilk baxışda Kremlinlə daha
yaxşı əlaqələrdə olacağı ümidi yaratmışdı. İlk telefon danışığında, prezident Putin və
yeni təyin olunmuş Baş nazir Teresa May mövcud vəziyyətlə bağlı "narazılıqlarını"
dilə gətirdi və aviasiya təhlükəsizliyi sahəsində təhlükəsizlik orqanları arasında
dialoqdan bəhs etdilər. Xarici İşlər üzrə Katib Boris Johnson öz həmkarı Sergey
Lavrova əlaqələrin normallaşdırılmasının vacibliyini bildirmişdir.
Birləşmiş Krallığın xarici siyasətini öz müttəfiqləri ilə birlikdə formalaşdırması
düşmən hesab olunan ölkələrlə əlaqələri bərpa etməklə müqayisədə daha çox ehtimal
olunur. Nəticədə, Böyük Britaniyanın Aİ ilə gələcək təhlükəsizlik əlaqələri Brexit
işığında son dərəcə narahatlıq doğuracaq. Bu, Rusiyaya əvvəlki xarici siyasət
yanaşmasına davam etmək deməkdir.
[39]
Dostları ilə paylaş: |