Tədqiqatın praktik əhəmiyyəti: Dissertasiya işi praktik cəhətdən beynəlxalq
münasibətlər, Avropaşünaslıq və Britaniyaşünaslıq kimi fakultələrdə tələbələrin
istifadə edəcəyi yeni bir mənbədir. Tədqiqat işi eyni zamanda gələcəkdə bu sahədə
yazılacaq işlər üçün də faydalı mənbə sayıla bilər.
Dissertasiya işinin strukturu: Dissertasiya işi giriş, 3 fəsil, nəticə və istifadə
olunmuş ədəbiyyat siyahısından ibarət olmaqla 82 səhifədir.
Dissertasiya işinin girişində mövzunun aktuallığı əaslandırılır, onun predmeti və
obyekti verilir, məqsədi və vəzifələri qeyd olunur və praktiki əhəmiyyəti verilir.
Dissertasiya işinin “Avropa İttifaqı və Birləşmiş Krallıq” adlanan I Fəsilində
Avropa İttifaqının yaranmasını şərtləndirən amillər, Avropa İttifaqının hüquqi
əsasları və genişlənmə mərhələləri, Avropa İttifaqının yaranmasında Birləşmiş
Krallığın mövqeyi, Birləşmiş Krallığın Aİ üzvlüyünə qəbul olması və onun Avropa
İttifaqının genişlənmə və dərinləşmə siyasətindəki mövqeyi əks olunmuşdur.
85
Dissertasiya işinin “Birləşmiş Krallığın Avropa İttifaqı üzvlüyündən çıxması”
adlanan II Fəsilində Brexit ideyasının yaranması və səbəbləri, Brexit refendumu və
nəticələri, Brexit-in hüquqi tənzimlənməsi və Brexit sonrası əməkdaşlıq modellərinə
yer verilmişdir.
Dissertasiya işinin “Dövlətlər və Brexit” adlanan III Fəsilində Avropa İttifaqı
institutlarının, üzv dövlətlərin və qeyri-üzv dövlətlərin Brexitə reaksiyası və Brexit-in
dövlətlərarası münasibətlərə təsiri araşdırılmışdır.
Dissertasiya işinin sonunda nəticə verilmiş, istifadə edilmiş ədəbiyyat siyahısı
təqdim edilmişdir.