3.Obyektin hərəkətdə olması. Məlumdur ki, hərəkətsiz cisimlər, adətən, diqqəti ya cəlb etmir, ya da ancaq xüsusi məqsəd olduqda diqqəti həmin obyektin üzərinə yönəldirik. Lakin hərəkətin başlanması və ya kəsilməsi də diqqəti cəlb edir.
Qeyri-ixtiyarı diqqət həm də insanın emosional vəziyyətindən asılı olaraq əmələ gəlir. Buraya insanın sağlamlıq dərəcəsi, əhvali-ruhiyyəsi, tələbatı, maraqları və s. aiddir. Məsələn, bir cisimə maraq davamlı diqqət yaradır, onu uzun müddət müşahidə etməyə, öyrənməyə yönəldir. Bundan əlavə, təsir edən qıcıqlandırıcının insanın tələbatlarına, daxili vəziyyətinə uyğun gəlməsi də vacibdir.
Deyilənlərdən aydın olur ki, qeyri-ixtiyarı diqqət: 1)bizə təsir edən qıcıqlayıcıların xüsusiyyətlərindən, yəni xarici səbəblərindən: 2)insanın daxili emosional vəziyyətindən, şəxsiyyətin istiqamətindən asılıdır.
Dostları ilə paylaş: |
