Make the children play

2.2 Əlil və xroniki xəstəliyi olan uşaqlar

Rəqəmlər və meyllər: Əldə edilə bilən məlumatlar

2003-cü il dövlət qeydiyyatından keçmiş 0-16 yaş arasında əlil uşaqların sayı 43.342 nəfərdir. Bu rəqəm uşaqların ümumi sayının 1,81% olmaqla digər ölkələrlə müqayisədə bir qədər böyük faiz təşkil edir⁵². Belə uşaqların sayının son beş il ərzində hər il iki dəfə artma faktı əsas narahat edən məsələdir (1999-cu ildə 4600,2003-cü ildə 9500). Bu məlumatlar Əmək və Əhalinin Sosial Müdafiə Nazirliyinin Sosial yardım şöbəsi tərəfindən təmin olunmuşdur, lakin onların əlillik növü və dərəcəsi göstərilməyib ( o cümlədən xroniki xəstəliyi olan uşaqlar ki, onlara daimi kömək lazımdır). Bunun əsas səbəbi bütün qeydiyyatdan keçmiş uşaqların dövlətdən 20$ məbləğində müavinət almasıdır⁵³.

Əlil uşaqların yalnız 13%-i (5,894) xüsusi təhsil alırlar – onların ümumi sayı hər il eyni sürətlə artmır; 366 uşaq ciddi əlillik səviyyəsinə görə xüsusi müəssüsələrə yerləşdirilmişdir.

Dövlət Statistika Komitəsinə əsasən «əlil uşaqlara digərləri kimi tam inkişaf etməyə, təhsil almağa və sosial həyatda iştirak etməyə imkan verməyən fiziki və əqli qüsurları olan şəxslər də daxildir». Buna görə də, belə fərz etmək olar ki, digər 77% adi məktəblərə getmirlər. Bu fərziyyəni təsdiq və ya inkar etmək üçün əlavə məlumat verilmir.

Qeyd olunmalıdır ki, xüsusi təhsil alanların 1,090-ı evlərdə təhsil alırlar.Məlumatlar 1.2.4 Fəsildə qeyd olunan üç mərkəzdə qeydiyyatdan keçmiı uşaqlara aid edilir. Milli Tibbi Psixopedaqoji komitəsindən aldığımız məlumata əsasən 2004-cü ildə ev təhsili alan uşaqların sayı 8,294 nəfər idi. Lakin, təqribən 30,000 uşağın taleyi ilə bağlı məlumat yoxdur.