Azərbaycan respublikasinin
Xüsusi kateqoriyalı məhbuslar üçün əlavə qaydalar
Yüklə 495,55 Kb. Pdf görüntüsü
|
- Bu səhifədəki naviqasiya:
- Məhkəmə və ya istintaq altında olan məhbuslar
|
3.5. Xüsusi kateqoriyalı məhbuslar üçün əlavə qaydalar
Penitensiar müdiriyyət aşağıda göstərilən əlavə qaydalar məcmusundan bütün hallarda xüsusi kateqoriyadan olan məhbusların mənafeyi naminə səmərəli istifadə etməlidir.
Şəxsi azadlıqların müdafiəsinə aid olan qanunvericiliyin müddəalarına zərər vurmadan və prosessual qaydalara uyğun olaraq, istintaq altında olanlara və ya təqsirləndirilən şəxslərə müqəssir olduqları sübut olunana kimi təqsirsizlik prezumpsiyası tətbiq edilir. Bu məhbuslar cinayət-prosessual hüquqda və azadlıqdan məhrum etmə yerinin təhlükəsizlik tələblərində nəzərdə tutulanlardan başqa, 90-cı maddəyə görə, onlara verilən imtiyazlardan istifadə edir və digər məhdudiyyətlərə məruz qalmamalıdır. İstindaq altında olanlar və ya təqsirləndirilən şəxslər həbsə alınmaları haqqında ailələrinə dərhal xəbər vermək hüququna malikdirlər. Onlara ailələri, dostları və əlaqələri, onlar üçün qanuni maraq doğuran şəxslərlə ünsiyyətdə olmaq üzrə bütün səmərəli imkanlar verilir. Onlara həmçinin ədalət mühakiməsinin, təhlükəsizliyin və azadlıqdan məhrum etme yerlərinin qaydalarının gözlənilməsi naminə bir sıra məhdudiyyətlər istisna olmaqla, bu şəxslərlə ləyaqətli şəraitdə və nəzarət altında görüşə icazə verilməlidir. Əgər istintaq altında olan və ya təqsirləndirilən şəxs özünün həbsə alınması haqqında yuxarıda göstərilən şəxslərə məlumat vermək
55 istəməzsə, penitensiar müdiriyyət bunu zəruri ehtiyac olmadan, misal üçün, bu şəxsin qocalığı, psixi vəziyyəti və ya digər acizliyi halları istisna olmaqla, öz təşəbbüsü ilə etməməlidir. Hər bir istintaq altında olan və ya təqsirləndirilən şəxs həbsə alınan andan özünün seçdiyi vəkilin xidmətindən istifadə etmək və yaxud əgər beləsi varsa, ona pulsuz vəkil təyin olunması üçün müraciət etmək imkanlarına malik olmalı, onunla müdafiənin təmin olunması üzrə görüşmək, vəkilə gizli təlimatlar hazırlayıb vermək, ondan məsləhət almaq şəraiti olmalıdır. Onların xahişi ilə bunun üçün hər bir şey təqdim edilir. Məsələn, onlar müdiriyyət ilə bütün vacib əlaqələri həyata keçirə və özlərinin müdafiəsi üçün tərcüməçinin xidmətindən pulsuz istifadə edə bilərlər. İstintaq altında olanın və ya təqsirləndirilən şəxslərin vəkil ilə görüşü polis nümayəndəsinin nəzarəti altında keçə bilər, lakin söhbətə qulaq asıla bilməz. İstintaq altında olanların və ya təqsirləndirilən şəxslərin yerləşdirilməsi yuxarıda sadaladığımız qaydalara əsasən (bax: 3.1.) həyata keçirilir. İstintaq altında olanlara və ya təqsirləndirilən şəxslərə arzuedilməz hallar istisna olmaqla, ayrı kameradan istifadə etmək imkanı verilir. İstintaq altında olanlara və ya təqsirləndirilən şəxslərə öz paltarlarını, əgər bunlar təmiz, yararlıdırsa geyinməyə icazə verilir. Əgər məhbuslar bu imkandan imtina edərlərsə, onlara digər münasib paltar verilir. Münasib paltar olmadıqda, məhkəmənin qarşısında durmaq və yaxud azadlıqdan məhrum etmə yerlərindən icazə verilən hallarda çıxmaq üçün istintaq altında olanlara və ya təqsirləndirilən şəxslərə yaxşı vəziyyətdə olan mülki kostyum verilir. İstintaq altında olanlara və ya təqsirləndirilən şəxslərə imkan daxilində işləmək təklif olunur, lakin onları buna məcbur etmək olmaz. İstintaq altında olanlara və ya təqsirləndirilən şəxslərə ədalət mühakiməsinin, təhlükəsizliyin, azadlıqdan məhrum etmə yerlərində saxlanma qaydaları gözlənilməklə, öz hesablarına və ya üçüncü şəxslərin hesablarına kitab, qəzet, yazı ləvazimatları, məşğuliyyət üçün digər əşyalar almağa icazə verilir. Lazımi əsaslar olduqda, istintaq altında olanların və ya təqsirləndirilən şəxslərin xahişi ilə onlara özlərinin müalicə, diş həkimindən tibbi yardım almaq imkanı verilir. İmtina etmə əsaslandırılmalıdır. Bu xərclərin ödənilməsi penitensiar müdiriyyətə həvalə olunmur.
|