Mahalliy in`ektsion og’riqsizlantirish. Og’riqsizlantiruvchi moddalar. Jarroxlik stomatologiyasida novokainnning 0,25-0,5-1-2% kontsentratsiyali eritmalari qo`llaniladi. Ambulator
sharoitda 1-2% li, statsionar sharoitida 0,25-0,5% eritmadan foydalaniladi. Novokain ta`sirini kuchaytirish
uchun adrenalin gidroxlorid eritmasi qo`shiladi (1-1000. 5-10 ml novokainga 1 tomchi adrenalin).
G‘arbiy Evropada stomatologik amaliyotda novokain kam effektivligi va ko`p allergik holatlar keltirib
chiqarganligi uchun ambo`lator sharoitda qo`llash ta`qiqlangan. O`rniga lidokain, merivokain, artikain va
boshqalar qo`llaniladi. Germaniyada 65%-90% stomatologik bemorlarda ul‘trakain, artikain qo`llaniladi.
(R.Rahn, 1996; A.I.SHuchaylov 1996 y.) Sobiq SSSR mamlakatlarida trimekain (mezokain) preparati
qo`llaniladi. Trimekain bilan anesteziya qilinganda novokainga nisbatan 2-3 baravar tez ta`sir qiladi va uzoq
davom etadi.
Stomatologiyada novokain, trimekain bilan bir qatorda lidokain, kartikain va boshqa yangi anestetik
vositalar (ul‘trakain-forte, septoneq va boshqalar) qo`llaniladi. T.YU. Qalyarenko (1997) ta`kidlagandek bir
yoki bir necha tishlarni olishda ul‘trakain (artikain), lidokain bilan solishtirganda uning toksik xususiyati past
hamda uning 4% eritmasi bolalarda, xomilador va qariyalarda ham qo`llash mumkin. Allergik anamnezga ega
bo`lgan bemorlarga rezerv anestetik bo`lib ul‘trakain hisoblanadi. Allergiya 0,00000012% xollarda yuzaga
keladi. Birost shuni yodda tutish kerakki, ul‘trakainni (paroksizmal taxikardiya, taxiaritmiyada) qo`llash xavfli
hisoblanadi.