Elşən Misir oğlu Nəsibov

Futurologiya haqqında 
(proqnozlaşdırma futurologiyanın tərkibi kimi)  
 
Çoxlarımıza  məlumdur  ki,  “future”  sözü  tərcümədə  gələcək  deməkdir. 
“Loqos”  sözü  isə  təlim  mənasını  bildirir.  Təlim  fənni,  elmi  ifadə  etdiyindən, 
belə  məntiqi  nəticəyə  gəlirik  ki,  futurologiya  gələcək  haqqında  təlim,  elm 
deməkdir.  Futurologiya  elmin  gələcək  zamanı  öyrənməsidir.  Elmin  əsas 
obyektini  gələcək  zaman  təşkil  edir.  Burada  məkan  və  məkandakı  proseslər, 
onların  xassələri,  sistemli  əsasları    da  futurologiyanın  əsas  obyekti  və 

---

78 
 
predmetidir.    Bu  yöndə  futurologiya  gələcək  proseslərin  sistemli  qaydada 
öyrənilməsindən ibarət olan bir fənn və təlimdir. Hər bir sözün etimologiyası, 
mənşəyi, həmçinin bazası yanına loqos sözü əlavə olunur və bununla da sözün 
kökünə  uyğun  olaraq  elm  və  fənn  meydana  gəlir.  Fənn  elə  elmi  istiqamətin 
tərkibini  ifadə  edir.  Futurologiyanın  bazasında  zamanı  ifadə  edən  “gələcək” 
anlayışı  dayanır.  Bu  anlayış  çox  geniş  məzmunludur,  özündə  bütün  elmlərin 
davamedici, genişləndirici xassələrini ehtiva edir. Həyatda insan yaradıcılığını 
və  qurucluğunu  təşkil  edən  bütün  sahələrin  futuroloji  əsasları  mövcuddur.