Hakimiyyət gücünü dövlətindən, xalqından götürür. Hakimiyyət dövlətə
arxalanaraq, resurslara və dövlətin gücünü əks etdirən elementlərə və onların
fəaliyyətinə güvənərək hərəkət edir. Öz gücünü artırır. Hakimiyyət dövlətin
güclü olmasında mühüm rol oynayır; ona görə ki, dövlətin fəaliyyətini məhz
bu qrup həyata keçirir. Hakimiyyətin gücündə ilk növbədə xalqla təmaslar
amili mühüm önəm kəsb edir. Hakimiyyətin gücü xalqın zamanda nəbzini
müəyyən etməkdən və ona cavab verməkdən ibarətdir. Hakimiyyətin gücü
onun məkanda və zamanda lazımi siyasəti tətbiq etməkdən ibarətdir.
Hakimiyyətin gücü idarəetmə mərkəzlərinin və siyasət institutlarının gücünə
bağlıdır. Bu kimi mərkzələrin potensialı məhz hakimiyyətin gücünü artırır.
Mərkəzi hakimiyyətin gücü yerli və regional siyasi sistemlərdən,
idarəetmədən sıx şəkildə asılıdır. Yerli və mərkəzi hakimiyyət və bu
hakimiyyətlər arasındakı koordinativ əlaqə bütöv siyasi sistemi tamamlayır.
Bu anda dövlətin bütün məkanlar üzrə siyasi sistemi güclənmiş olur.
