Jismoniy tarbiya, sport nazariyasi va uslubiyati

Mavzu: Jismoniy tarbiya bo‘yicha dars konspektini tuzish uslubiyati.
Ma’ruzaning metodi: “Klaster” har bir talaba mustaqil fikrini bildiradi.
Maqsadi: talabalarning yangi pedagogik texnologiyalardan foydalanib nazariy bilimlarini amaliy jixatdan mustaxkamlash, mustaqil, ijodiy fikrlash, kasbiy bilimlarini rivojlantirish.
Mashgulot turi: ma’ruza.
Mashgulot jixozi: tarqatma materialar, kompyuter, proektor, prezentatsiya, slaydlar.
Ajratilgan vaqt: 80 minut.
Mashgulotning borishi:

10-Mavzu. Jismoniy tarbiya bo‘yicha dars konspektini tuzish uslubiyati.
Reja:

1. 
   Dars konspektining to‘g‘ri yozilishiga o’rgatiish.
   
2. 
   Dars mazmuniga, dars oldiga qo‘yiladigan vazifalarni aniq qo‘yishga talabalarning e’tiborini qaratishi lozim.
   

Jismoniy tarbiya darslari bilan bog‘liq bo‘lgan eng muhim masalalardan biri uni qanday tuzish masalasidir.

Dars tuzilishi deganda alohida darsni tuzishda foydalaniladigan taxminiy mo‘ljalli reja tushuniladi. Dars tuzilishi o‘qituvchiga mashqlarni oqilona tanlash, materialni to‘g‘ri joylashtirish va darsdagi yuklamani aniqlashga yordam beradi.
Dars tuzilishi dastur materiallarini izchil o‘rganish asosida belgilangan vazifalarga bog‘liq.
Jismoniy tarbiya darsida har qanday pedagogik vazifani hal etish ko‘pincha shug‘ullanuvchilar organizmining zo‘r berishini talab qiladi. Bu ishga organizm tegishli darajada tayyorlangan bo‘lishi kerak.
I.P.Pavlov organizmning qiyin vazifalarni hal etishga tayyor bo‘lishi zarurligini ko‘rsatib, sekin-astalik va mashq klinika va pedagogikada asosiy fiziologik qoidadir degan edi.
Bu ko‘rsatma o‘qituvchi zimmasiga shug‘ullanuvchilardan katta kuch talab qiladigan pedagogik vazifalarni darsning boshida emas, o‘rtasida, bir qadar tayyorgarlikdan so‘ng hal etish majburiyatini yuklaydi. Darsning asosiy vazifalarini hal etish shug‘ullanuvchilarni uyushtirishni, ularda zarur kayfiyat va bu vazifalarni bajarishga bo‘lgan ishtiyoqni hosil qilishni talab etadi. O‘quvchilarni uyushtirgach, ya’ni Pavlovning asta-sekinlik haqidagi fiziologik qoidasi bajarilganidan so‘ng, asosiy vazifalarni hal qilishga kirishish mumkin. Asosiy pedagogik vazifalarni bajarish ko‘pincha shug‘ullanuvchilar zo‘r berayotgan, faollashgan davrga to‘g‘ri keladi. O‘quvchilar organizmi nisbatan katta zo‘riqish va kuchli emotsional holatdan vazmin holatga birdaniga o‘tishi mumkin emas. SHuning uchun dars tuzilishida xotirjam holatga asta-sekin o‘tish va mashg‘ulotni tashkiliy ravishda tugallash aks etadi. SHunday qilib, har bir dars tuzilishiuch qismdaniborat bo‘ladi: birinchisi – o‘quvchilarni darsning vazifalarini hal etishga tayyorlaydigan tashkiliy qism, u shartli ravishda tayyorgarlik qismi deb ataladi; ikkinchisi – darsning asosiy vazifalarini bajarishga yo‘naltirilgan qism, u shartli ravishda asosiy qism deb yuritiladi; uchinchisi – dars yakuni, u shartli ravishda yakunlovchi qism deb ataladi. Darsning barcha vazifalari va mazmuni o‘zaro chambarchas bog‘langan holda amalga oshiriladi.