Microsoft Word Agentlik va uning tarkibiy tuzilmalarida manfaatlar to‘qnashuvini

potensial manfaatlar to‘qnashuvi
– xodimning, uning yaqin qarindoshlarining va 
(yoki) Agentlik bilan bog‘liq bo‘lgan shaxsning shaxsiy manfaatlari (shu jumladan shaxsiy, 
ijtimoiy, mulkiy, moliyaviy va boshqa manfaatlari) muayyan vaziyatlar yuzaga kelganda, ular 
Agentlikning manfaatlariga qarama-qarshi bo‘lishi va Agentlik xodimlari tomonidan xizmat 
majburiyatlarini bajarishiga ta’sir qilishi mumkin bo‘lgan vaziyat; 
real manfaatlar to‘qnashuvi
– xodimning, uning yaqin qarindoshlarining va (yoki) 
Agentlik bilan bog‘liq bo‘lgan shaxsning shaxsiy manfaatlari (shu jumladan shaxsiy, ijtimoiy, 
mulkiy, moliyaviy, siyosiy va boshqa manfaatlari) Agentlik manfaatlariga bevosita yoki 
bilvosita qarama-qarshi bo‘lgan vaziyat; 
urug‘-aymoqchilik 
– Agentlik xodimining avlod-ajdodlari bir bo‘lgan, bir sulolaga 
mansublik asosida uchinchi shaxslarga nisbatan sub’ektiv, imtiyozli va noxolis munosabat 
shaklidagi shaxsiy manfaatdorligi; 
favoritizm 
– Agentlik xodimi boshqa shaxs va/yoki shaxslar guruhi manfaatlariga 
qaraganda bitta shaxs yoki shaxslar guruhi manfaatlariga ustuvor ahamiyat qaratishi, 
Agentlikda kadrlarni tanlash va joylashtirish, lavozimini ko‘tarish, mukofot puli berish va 
davlat mukofotlariga tavsiya etish, ta’til berish yoki sihatgohlar va xorijiy safarlarga 
yuborish, murojaatlar, shuningdek ish va navbatchilik jadvallarini ko‘rib chiqishda ketma-
ketlikni yo‘lga qo‘yish bilan bog‘liq vaziyatlarda tartiblarga rioya qilmaslik; 
xodimning shaxsiy manfaatdorligi
– xodim tomonidan o‘z xizmat vazifalarini 
bajarish doirasida uning yaqin qarindoshi yoki xodimga aloqador bo‘lgan shaxslar tomonidan 
xodimning mansab yoki xizmat majburiyatlarini lozim darajada bajarishiga ta’sir qilishi 
mumkin bo‘lgan pul mablag‘lari, moddiy yoki nomoddiy qiymatliklar, boshqa mol-mulk, 
boylik va imtiyozlar ko‘rinishida shaxsiy naf olish imkoniyati (shaxsiy, ijtimoiy, mulkiy, 
moliyaviy, siyosiy va boshqa manfaatlari); 
shafelik
– Agentlik xodimining lavozimi yuqoriroq bo‘lgan boshqa xodim tomonidan 
qulay mehnat sharoitlarini yaratib berish shaklidagi himoyasi, uni yoqlab yonini olishi;