Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
134 qatılığı ilə bağlıdır. İkincisi, dəyərlər sistemi, ideoloji və dini inanclar, təfəkkür və qavrayış xüsusiyyətləri ilə bağlıdır. Nümunə üçün onu qeyd edə bilərik ki, danışıq aparılmasının milli üslubuna bir tərəfdən fəaliyyətin faktiki tərəfləri arasında üstünlüklər, digər tərəfdən isə etik normalar təsir edir. Üçüncü qrup, bu danışıqların aparılmasında davranış xüsusiyyətləridir ki, bura daha çox hər hansı bir mədəniyyəti təmsil edən nümayəndənin taktiki priyomları aid edilir. Danışıqlar zamanı milli üslubun digər xüsusiyyəti olaraq ünsiyyətin verbal tərəfinin spesifikliyini, həmçinin verbal təsirin güclülüyü və ya zəifliyini aid etmək olar. Belə hesab olunur ki, verbal amillərin güclü və zəif təsir etdiyi mədəniyyətlər vardır. Fransa istisna olmaqla qərb ölkələrində nümayəndələr üçün danışıqlarda verbal amillərin təsirlərinin aşağı səviyyədə olması xarakterikdir. Belə ki, bu zaman ifadə edilən söz çox az hallarda sətiraltı mənada dərk edilir, bu sözlərdə demək olar heç bir gizli məna olmur. Bununla yanaşı, bir faktı da nəzərə almaq faydalı olar. Milli üslub dedikdə, milliyyətlərdən daha çox ölkələr üçün müəyyən üslub və tərzlər nəzərdə tutulur. Bu o deməkdir ki, danışıqlarda nümayəndə olacaq çin əsilli amerikan qarşı tərəfə şərq davranış tərzindən çox qərb davranış tərzinin elementləri ilə təsir edəcək. İstənilən halda bu, daha çox təmsilçinin ölkədə nə qədər müddət yaşamasından və həmin ölkə ilə nə dərəcədə assimilyasiyada (uyğunluqda) olmasından asılıdır. Danışıqların aparılmasının digər milli xüsusiyyətlərindən biri danışıqlar zamanı ünsiyyətin qeyri-verbal cəhətləri ilə bağlıdır. E.Holla görə mədəniyyətlər aşağı və yüksək kontekstli olmasına görə iki yerə bölünürlər. Fransa istisina olmaqla Qərbi Avropa ölkələri aşağı kontekstli mədəniyyət qrupuna daxildir və burada kontekstin danışıqlar prosesinə təsiri çox aşağıdır. Burada tələffüz olunan, eşidilən hər bir söz hərfi mənada qəbul edilir. Bu sözlərin heç birində sətiraltı məna olmur. Bir məsələni də yadda saxlamaq lazımdır ki, milli üslub deyəndə, millətdən çox ölkə nəzərdə |